रणवीर सिंगच्या आगामी चित्रपटासाठी ‘ही’ अभिनेत्री करू शकत नाही प्रतीक्षा, करण जोहरनेही गायले गुनगाण

बॉलिवूड अभिनेता रणवीर सिंग याचा बहुप्रतिक्षित ‘८३’ या चित्रपटाचा ट्रेलर प्रदर्शित झाला आहे. सोशल मीडियावर तर या ट्रेलरने नुसता धुमाकूळ घातला आहे. ट्विटरवर ‘व्हाट ए रिलिज’ हा ट्रेंड चालू आहे. ट्रेलरमध्ये रणवीर सिंगचा अभिनय आणि भारतीय क्रिकेट संघाच्या विजयाचा आनंद सगळ्यांना आवडला आहे. केवळ प्रेक्षक नाही, तर अनेक कलाकार देखील ‘८३’ चित्रपटाचा ट्रेलर पाहून हैराण झाले आहेत. सर्वत्र या चित्रपटाच्या टीमचे कौतुक चालले आहे.

रणवीर सिंगच्या या चित्रपटावर अनेकजण त्यांच्या प्रतिक्रिया देत आहेत. अशातच माजी भारतीय खेळाडू कपिल देव याने ‘८३’ चित्रपटाचा ट्रेलर सोशल मीडियावर शेअर करून लिहिले आहे की, “माझ्या टीमची कहाणी, ‘८३’ चित्रपटाचा ट्रेलर हिंदीमध्ये प्रदर्शित झाला आहे. हा चित्रपट २४ डिसेंबर रोजी हिंदी, तमिळ, तेलुगू, कन्नड आणि मल्याळम भाषेत प्रदर्शित होणार आहे. हा चित्रपट ३ डीमध्ये देखील उपलब्ध होणार आहे.” (Celebrities happily reacts in Ranveer Singh upcoming film 83 trailer directed by Kabir khan)

आर माधवन याने देखील सोशल मीडियावर चित्रपटाचा ट्रेलर शेअर करून ट्रेलरचे कौतुक केले होते. यासोबत त्याने रणवीर सिंगच्या अभिनयाचे कौतुक करत त्याला अप्रतिम म्हटले आहे.

83 | Official Trailer | Hindi | Ranveer Singh | Kabir Khan | IN CINEMAS. https://t.co/7wwws0IKXO via @YouTube THIS ONE IS A MASSS BLOCKBUSTER-My Bro @RanveerOfficial and @JiivaOfficial are bloody brilliant. Fantasticccc @Shibasishsarkar @kabirkhankk @vishinduri @deepikapadukone

— Ranganathan Madhavan (@ActorMadhavan) November 30, 2021

बॉलिवूड निर्माता आणि दिग्दर्शक करण जोहर ट्विटरवर हा ट्रेलर शेअर करून लिहिले आहे की, “चित्रपटाचे कास्ट आणि संपूर्ण क्रू टीमचे अभिनंदन. हा ट्रेलर पाहून शहारे आले आहेत. ट्रेलर खूपच भावुक आणि उत्तेजित करणारा आहे.” त्याने दिग्दर्शक कबीर खान आणि रणवीर सिंगचे देखील कौतुक केले आहे.

Humungous congratulations to the entire cast and crew!!! This gave me goose bumps and is so emotional and arousing! BONAFIDE BLOCKBUSTER! Kabir !!! You’re the man and Ranveer you just became Kapil Dev with the ease of a veteran! Badhai ho! https://t.co/PK9YPRSGyX

— Karan Johar (@karanjohar) November 30, 2021

अभिनेत्री आलिया भट्टने देखील तिच्या इंस्टाग्राम स्टोरीला ट्रेलर शेअर करून लिहिले की, “हे पाहून माझ्या अंगावर शहारे आले आहेत. हा चित्रपट पाहण्यासाठी मी जास्त वाट पाहू शकत नाही.”