Tuesday, March 19, 2024

कपिल शर्मा देखील लहान असताना हरवलाय जत्रेत, सांगितला ‘तो’ मजेशीर किस्सा

प्रसिद्ध कॉमेडियन कपिल शर्मा गेल्या अनेक वर्षांपासून प्रेक्षकांचे मनोरंजन करत आहे. मेहनत आणि कौशल्याच्या जोरावर त्याने इंडस्ट्रीत हे स्थान मिळवले आहे. मोठमोठे सेलेब्स देखील स्वतःला त्याचे चाहते म्हणवतात. मात्र, इथपर्यंत पोहोचण्यासाठी त्याला खूप संघर्ष करावा लागला. कपिल शर्मा (Kapil Sharma) त्याच्या कॉमिक टायमिंगने सर्वांच्या चेहऱ्यावर हसू आणतो. तो शोमधील पाहुण्यांना खळखळून हसवतो. कपिल शर्मा आपल्या स्पॉट रिस्पॉन्सने चाहत्यांना हसवण्यात कसलीच कसर सोडत नाही.

आता नुकताच ‘द कपिल शर्मा शो’चा (The Kapil Sharma Show) एक व्हिडिओ सोशल मीडियावर ट्रेंड करत आहे. मात्र, हा त्यावेळचा व्हिडिओ आहे जेव्हा कार्तिक आर्यन, मृणाल ठाकूर ‘धमाका’ चित्रपटाच्या प्रमोशनसाठी शोमध्ये पोहोचले होते. व्हिडिओमध्ये कपिल शर्मा धमकाच्या अभिनेत्याला एकवेळ तू माझ्यात हरवून गेला होतास असे सांगताना दिसत आहे. यावर कपिललाही त्याचं बालपण आठवतं आणि तो सांगू लागतो की, त्याच्यासोबतही त्याच्या लहानपणी असंच काहीसं घडलं होतं.

कपिल शर्मा पुढे म्हणतो की, “बऱ्याचयाने आमचीही कथा सारखीच आहे. माझी आई पण मला जत्रेत घेऊन गेली आणि मग मी बेपत्ता झालो. आई, विचार करा तुझे किती नुकसान झाले असते.” हे ऐकून कार्तिक आणि तिथे उपस्थित असलेले सर्व पाहुणे हसू लागले. त्यानंतर कपिल व्हिडिओमध्ये आईला विचारताना दिसत आहे की, त्यावेळी त्याचे वय किती आहे. त्याची आई सांगते की, तो चार वर्षांचा होता. त्यानंतर कपिल कार्तिक आर्यनला त्याची गोष्ट सांगण्यास सांगतो.

त्याचवेळी कपिलने कार्तिकला जत्रेत उद्घोषक असल्याचे भासवण्यास सांगितले आणि हरवलेल्या मुलाची तक्रार करावी लागेल असे देखील सांगितले. यादरम्यान कपिल शर्मा शोमध्ये येण्याबद्दल त्याच्या आईला चिडवताना दिसला. तो म्हणाला की, “आधी लग्न कर म्हणायची, आता झाली की सून, गिन्नीसोबत घरी बसत नाही.” आई उत्तरात म्हणाली की, “माझी सून मला बसू देत नाही, मी काय करू?

यापूर्वी कपिल शर्माने सांगितले होते की, अर्चना पूरण सिंगने देखील त्याला स्टार बनवण्यात महत्त्वाची भूमिका बजावली आहे. जेव्हा कपिल शर्माने कॉमेडी शोमधून आपल्या करिअरची सुरुवात केली आणि तो स्पर्धकामध्येही सामील होता. तेव्हा अर्चना पूरण सिंगने त्याला नेहमीच प्रोत्साहन दिले. कपिल पुढे म्हणाला की, कलाकाराला यापेक्षा आणखी काय हवे असते की, कोणीतरी तुम्हाला सर्वोत्कृष्ट होण्यासाठी प्रोत्साहित करत असेल. अर्चना पूरण सिंग आणि कपिल शर्मा खूप चांगले मित्र आहेत आणि दोघेही शोमध्ये एकमेकांना ओढताना दिसत आहेत. त्यामुळे शोमध्ये उपस्थित प्रेक्षकांपासून ते चित्रपटाच्या प्रमोशनसाठी आलेल्या स्टार्सनाही हसायला भाग पाडले जाते. (comedial kapil sharma revealed he had gone missing in the fair at the age of 4 read all details here)

दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
हेही वाचा-
सिनेमात गुंडांच्या नाकी नऊ आणणाऱ्या अजय देवगणची ‘या’ गोष्टीमुळे टरकते, वाचा कोणती आहे ती गोष्ट

बॉलिवूडच्या सिंघमचा राजेशाही थाट! खासगी विमान ते कोट्यवधींच्या गाड्या, वाचा अजय देवगणची श्रीमंती

हे देखील वाचा