हरियाणाची देसी क्वीन या नावाने घराघरात आपला ठसा उमटवणारी हरियाणवी गायिका आणि डान्सर सपना चौधरी (Sapna Chaudhary) आपल्या गाण्यांनी लाखो चाहत्यांना वेड लावते. तिच्या गाण्यांनी ती सोशल मीडियावर तिची स्टाईल पसरवत असते. मात्र सपना चौधरीला प्रकृती अस्वास्थ्यामुळे रुग्णालयात दाखल करण्यात आले आहे. काही दिवसांपूर्वीच तिने सोशल मीडियावर एक पोस्ट शेअर करून तिची तब्येत ठीक नसल्याची माहिती दिली होती. याच कारणामुळे तिने सोशल मीडियातून ब्रेक घेतल्याचीही चर्चा केली होती. त्याचवेळी, आता सपना चौधरीने एक व्हिडिओ शेअर केला आहे. ज्यामध्ये तिने तिच्या तब्येतीची माहिती दिली आहे. हा व्हिडिओ पाहिल्यानंतर सपनाची तब्येत खालावल्याचे स्पष्ट झाले आहे.
खरं तर, सपना चौधरीने हॉस्पिटलमधील स्वतःचा एक व्हिडिओ शेअर केला आहे. सपना एका मुलीच्या मदतीने चालण्याचा प्रयत्न करत असल्याचे या व्हिडिओमध्ये दिसत आहे. यावरून हे स्पष्ट होते की, तब्येत बिघडल्यानंतर तिच्या शरीरात खूप अशक्तपणा निर्माण झाला होता. त्यामुळे तिला चालण्यासाठीही कोणाची तरी मदत घ्यावी लागते.
या व्हिडिओसोबत सपना चौधरीने कॅप्शनमध्ये सांगितले की, आता ती पूर्वीपेक्षा बरी आहे. सपनाने लिहिले की, “आता मी पूर्णपणे बरी आहे आणि तुमच्या प्रार्थनांसाठी तुम्हा सर्वांचे आभार. लवकरच स्टेजवर भेटू.” सपनाच्या या व्हिडिओवर प्रतिक्रिया देताना संभावना सेठने लिहिले की, “लवकर घरी ये.” याशिवाय सपना चौधरी लवकर बरी व्हावी यासाठी चाहते प्रार्थना करत आहेत. त्याचवेळी अनेक चाहत्यांनी या व्हिडिओच्या कमेंटवर प्रश्नचिन्ह उपस्थित करत त्यांना काय झाले असा सवाल केला आहे.
सपना चौधरीने सहा दिवसांपूर्वी सोशल मीडियावर एक पोस्ट शेअर केली होती. ज्यामध्ये तिने प्रकृती अस्वास्थ्यामुळे सोशल मीडियापासून अंतर ठेवत असल्याचे सांगितले होते. तिने लिहिले की, “राम-राम. प्रकृती अस्वास्थ्यामुळे मी अपडेट राहू शकणार नाही. माफ करा लवकरच भेटू.” यासोबत सपना चौधरीने दुःखी चेहऱ्याचा इमोजीही लावला होता.
सपना एका शोसाठी हजारात नाही, तर लाखांमध्ये फी घेते. याचा अर्थ सपना चौधरी एका स्टेज शोचे शुल्क २५ लाखांपर्यंत घेते. हा कार्यक्रम संध्याकाळपासून रात्री उशिरापर्यंत असतो. माध्यमांतील वृत्तानुसार, सपना चौधरी २ ते ३ तास कार्यक्रमाला गेल्यास तीन लाख रुपये शुल्क आकारते. तुम्हाला हे जाणून आश्चर्य वाटेल की, तिच्या करिअरच्या सुरुवातीच्या काळात सपनाला स्टेज शो करण्यासाठी फक्त ३१०० रुपये मिळत होते आणि आज ती इतकी मोठी रक्कम घेते.
सपना चौधरीने हरियाणाच्या ऑर्केस्ट्रा पार्टीमधून तिच्या करिअरची सुरुवात केली होती. त्यानंतर ती हरियाणाच्या लगतच्या राज्यांमध्ये रागिनीच्या कार्यक्रमांमध्ये सहभागी होऊ लागली. हळूहळू त्यांची लोकप्रियता वाढू लागली. सपना चौधरी देखील ‘बिग बॉस ११’ चा भाग राहिली आहे. सपनाने ‘दोस्ती के साइड इफेक्ट्स’ या चित्रपटातून बॉलिवूडमध्ये पदार्पण केले. हा चित्रपट काही विशेष करू शकला नाही. पण सपना म्युझिक व्हिडिओ आणि स्टेजवर सतत धमाल करत आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा –
