रोहित शेट्टीचा आगामी चित्रपट ‘सिंघम अगेन’चे शूटिंग सुरू आहे. या चित्रपटात अनेक स्टार्सना कास्ट करण्यात आले आहे. महिला स्टारकास्टमध्ये दीपिकाच्या नावाचाही समावेश आहे. दीपिका पदुकोणने काही काळापूर्वी अधिकृतपणे तिची प्रेग्नेंसी इंस्टाग्रामवर घोषित केली होती. आता ‘सिंघम अगेन’च्या सेटवरील तिचे काही फोटो सोशल मीडियावर समोर आले आहेत. सेटवरून समोर आलेल्या फोटोंमध्ये अभिनेत्री पोलिसांच्या गणवेशात दिसत आहे. या चित्रपटात ती ॲक्शन सीन्स करताना दिसणार असल्याचा दावा केला जात आहे.
समोर आलेल्या फोटोंमध्ये अभिनेत्री पोलिसांच्या गणवेशात आहे. तिच्या आजूबाजूचे गुंडांचा पेहराव करतात. यामुळे ती ॲक्शन सीन करत असल्याचा अंदाज चाहत्यांना आहे. शूटिंगदरम्यान तिचा बेबी बंपही दिसत असल्याचा दावा चाहते करत आहेत. दीपिका पदुकोणच्या फॅन पेजवरून हे फोटो शेअर करण्यात आले आहेत.
मीडिया रिपोर्ट्सनुसार, दीपिकाची बॉडी डबलही तिच्या सुरक्षेसाठी तिथे उपस्थित होती. असे बोलले जात आहे की दीपिकाची बॉडी डबल तिचे ॲक्शन सीन करत आहे, जेणेकरून दीपिकाला कोणत्याही प्रकारचा त्रास होऊ नये.
‘सिंघम अगेन’मध्ये दीपिका पहिल्यांदाच पोलिस अधिकाऱ्याची भूमिका साकारताना दिसणार आहे. या चित्रपटात दीपिका लेडी सिंघम पोलीस अधिकारी ‘शक्ती शेट्टी’च्या भूमिकेत दिसणार आहे. अजय देवगण, रणवीर सिंग, करीना कपूर खान, अक्षय कुमार आणि टायगर श्रॉफ या चित्रपटात मुख्य भूमिकेत दिसणार आहेत.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
ईशा मालवीय आणि समर्थ जुरेलचे ब्रेकअप! इंस्टाग्रामवर एकमेकांना केले अनफॉलो
‘हे’ आहे करीना कपूरचे सगळ्यात आवडते पात्र, चित्रपटाला मिळालेत तीन अवॉर्ड्स
