राजकुमार रावच्या (Rajkumar rao) प्लास्टिक सर्जरीच्या अफवेवर बॉलिवूड अभिनेता इमरान हाश्मीने नुकतीच प्रतिक्रिया दिली आहे. राजकुमार रावनेही अनेकदा या अफवांना नकार दिला आहे. अलीकडेच एका चॅट शोमध्ये इमरानला विचारण्यात आले की स्टार्स प्लास्टिक सर्जरी का करतात? यावर अभिनेत्याने शस्त्रक्रिया झालेल्यांची नावे विचारली. तेव्हा होस्टने राजकुमार रावचे नाव घेतले. राजकुमारचे नाव ऐकून इम्रान हसला आणि ‘हो’ म्हणाला.
या संवादादरम्यान इमरान हाश्मी म्हणाला, ‘हे सत्य आहे. म्हणजे, कॉस्मेटिक व्यवसाय. केवळ इंडस्ट्रीमध्येच नाही इतरही ठिकाणी, त्यांनी खूप चांगले मार्केटिंग केले आहे. प्रत्येकाला पोस्टर बॉय किंवा मुलीसारखे दिसावे असे वाटते. ही आजकाल सौंदर्याची व्याख्याच झाली आहे, त्यानुसार स्वत:ला जुळवून घ्यायचे आहे. कारण यामुळेच तुम्हाला स्वतःबद्दल चांगले वाटते. कॉस्मेटिक सर्जरीबद्दल सांगायचे झाल्यास तुम्हाला आश्चर्य वाटेल की, माझी कोणतीही शस्त्रक्रिया झालेली नाही.
या वर्षाच्या सुरुवातीला राजकुमार रावचा एक फोटो सोशल मीडियावर व्हायरल झाला होता. या चित्रात त्याची हनुवटी लांब दिसत होती. या चित्रामुळे राजकुमारने प्लास्टिक सर्जरी केली होती का असा प्रश्न नेटकऱ्यांना पडायला लागला होता. मात्र, राजकुमार रावने व्हायरल झालेला फोटो खोटा ठरवला आणि आपण शस्त्रक्रिया केली नसल्याचे स्पष्ट केले.
राजकुमार म्हणाला होता, ‘तुम्ही जर तो फोटो पाहिला असेल तर तो माझा नाही. हे खरोखर मजेदार होते, कारण तो मी नव्हतोच. मला वाटतं कोणीतरी खोडसाळपणा केला आहे. लोक प्लास्टिक सर्जरीसारखे मोठे शब्द वापरत होते. पण माझी कधीच कोणतीही शस्त्रक्रिया झाली नाही.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
ओपन रिलेशनशिप बाबत जान्हवी कपूरने केला खुलासा, म्हणाली, ‘यावर विश्वास नाही …’
किंग खानला पुन्हा इजा, उपचारासाठी होणार अमेरिकेला रवाना !
