प्रसिद्ध निर्माता बी. आर. चोप्रा निर्मित ‘महाभारत’ मालिका पाहिली नसेल, असा कदाचित एकही प्रेक्षक शोधूनही सापडणार नाही. याच मालिकेत ‘युधिष्ठिर’ची भूमिका अमर करणारे अभिनेते गजेंद्र चौहान यांनी आज प्रत्येकाच्या मनात वेगळे स्थान निर्माण केले आहे. त्यांनी छोट्या पडद्यापासून ते मोठ्या पडद्यापर्यंत अनेक भूमिका पार पाडल्या आहेत. अनेकदा विवादांमुळे चर्चेत येणारे गजेंद्र ते नुकतेच म्हणजे रविवारी (२८ फेब्रुवारी) ट्विटरवर ट्रेंड होऊ लागले. याचे कारण म्हणजे त्यांनी आपल्या नवीन चित्रपटाची घोषणा केली होती.
रविवारी त्यांनी सोशल मीडियावर आपल्या चित्रपटाचा पहिला लूक शेअर केला आहे. खरं तर भारताचे पंतप्रधान नरेंद्र मोदी यांच्यावर बायोपिक बनवत आहेत. या बायोपिकचे शीर्षक ‘एक और नरेंद्र’ असे आहे. विशेष म्हणजे गजेंद्र स्वत: नरेंद्र मोदींच्या भूमिकेत झळकणार आहेत.
गजेंद्र चौहान यांनी आपल्या अधिकृत ट्विटर अकाउंटवर या चित्रपटाचे पोस्टर शेअर केले. या पोस्टरमध्ये त्यांचा लूक पाहायला मिळत आहे. ते पांढऱ्या रंगाच्या वाढलेल्या दाढीसह मोदींच्या रूपात दिसत आहेत. यासोबतच त्यांनी चश्मादेखील लावला आहे. पोस्टरमध्ये त्यांच्या मागे स्वामी विवेकानंद यांचा फोटो आणि मोदींचा एक फोटो दिसत आहे.
त्यांनी लिहिले की, “ही एक सन्मानाची बाब आहे की, मी आपले पंतप्रधान नरेंद्र मोदी यांची भूमिका साकारणार आहे. नरेंद्र मोदींचा हिंदी चित्रपट ‘#EkAurNaren’ ची सुरुवात काल रात्री कोलकातामध्ये एका भव्य मुहूर्तावर झाली. तुम्ही सर्व माझ्यासोबत आहात का?”
यह बहुत सम्मान की बात है, कि मैं हमारे माननीय प्रधानमंत्री श्री नरेंद्र मोदी जी की भूमिका निभाऊंगा । नरेन्द्र मोदी जी की हिंदी फिल्म '#EkAurNaren' की शुरुआत कल रात कोलकाता में एक भव्य मुहूर्त के साथ हुई, क्या आप सब मेरे साथ हैं ❓ #एक_और_नरेंद्र pic.twitter.com/L22Bbfgrnv
— Gajendra Chauhan (@Gajjusay) February 28, 2021
विशेष म्हणजे या ट्वीटवर अनेकांनी ‘आम्ही तुमच्या सोबत आहोत’, असे म्हटले आहे.
https://twitter.com/DurgendraPathk/status/1366035092221554693
त्याचबरोबर काही युजर्सने ‘हा चित्रपट सुपर डूपर हिट होईल’, असेही म्हटले आहे.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-रस्त्यावर चुकूनही गाऊ नका ही गाणी, नाहीतर थेट जेलची हवा खावी लागेल! पाहा कोणती आहेत ती गाणी…..
