अभिनेत्री काजोल (Kajol) गेल्या अनेक वर्षांपासून तिच्या अभिनयाने लोकांच्या मनावर राज्य करत आहे. अलिकडेच ती रिअल इस्टेटमधील तिच्या मोठ्या गुंतवणुकीमुळे चर्चेत आली आहे.
काजोलने मुंबईतील गोरेगाव पश्चिम येथे २८.७८ कोटी रुपयांची आलिशान व्यावसायिक मालमत्ता खरेदी केली आहे. ही बातमी शहरातील मालमत्ता बाजारात चर्चेचा विषय बनली आहे. मालमत्ता व्यवहारांची माहिती देणाऱ्या वेबसाइट indextap.com नुसार, हा व्यवहार ६ मार्च २०२५ रोजी पूर्ण झाला. काजोलने गोरेगाव पश्चिमेकडील बांगूर नगर येथील लिंकिंग रोडवरील ‘भारत अराईज’ इमारतीत तळमजल्यावर दुकान क्रमांक दोन खरेदी केले आहे. ही मालमत्ता भारत रिअॅल्टी व्हेंचर्स प्रायव्हेट लिमिटेडने विकली आहे. हे ठिकाण ४,३६५ चौरस फूट पसरलेले आहे. यासोबतच, अभिनेत्रीला पाच कार पार्किंगची जागा देखील मिळाली आहे.
या करारात प्रति चौरस फूट किंमत ६५,९४० रुपये होती. या खरेदीसाठी काजोलने १ कोटी ७२ लाख रुपयांची स्टॅम्प ड्युटी देखील भरली आहे. मुंबईतील गोरेगाव पश्चिम आता एक प्रमुख व्यावसायिक केंद्र बनले आहे. याने मोठ्या गुंतवणूकदारांचे आणि सेलिब्रिटींचे लक्ष वेगाने वेधले आहे.
कामाच्या बाबतीत बोलायचे झाले तर, काजोल शेवटची ‘दो पत्ती’ चित्रपटात दिसली होती. या चित्रपटात त्याच्यासोबत कृती सेननही होती. हा चित्रपट थेट ओटीटीवर प्रदर्शित झाला. यानंतर ती लवकरच ‘माँ’ नावाच्या चित्रपटात दिसणार आहे. नुकतेच या चित्रपटाचे पोस्टर प्रदर्शित झाले, जे पाहून चाहत्यांची उत्सुकता खूपच वाढली आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
प्रेमाचा गोडवा आणखी वाढणार! ‘गुलकंद’मधील ‘चंचल’ प्रेमगीत प्रदर्शित
अल्लू अर्जुनसोबत शिवकार्तिकेयन करणार स्क्रीन शेअर; अ‍ॅटलीच्या चित्रपटाची मोठी अपडेट समोर
