मराठी मनोरंजनविश्वातील अतिशय बिनधास्त, बोल्ड आणि हरहुन्नरी अभिनेत्री म्हणजे हेमांगी कवी. हेमांगी सतत विविध भूमिकांमधून आपल्या समोर येत असते. यासोबतच ती सोशल मीडियावर अतिशय बोल्ड पोस्ट शेअर करत देखील लाइमलाईट्मधे येत असते. हेमांगीला तिच्या पोस्टमुळे अनेकदा मोठ्या प्रमाणावर ट्रोलिंगचा देखील सामना करावा लागला आहे. हेमांगी सोशल मीडियावर कमालीची सक्रिय आहे. अशातच आता हेमांगी पुन्हा एकदा चर्चेत येण्याचे कारण देखील तिची एक पोस्ट आहे.
हेमांगी सध्या मन धागा धागा जोडते नवा या मालिकेत दिसत आहे. या मालिकेत ती एका वकिलाच्या भूमिकेत दिसत आहे. याच भूमिकेबद्दल आणि तिच्या काही भावनांबद्दल तिने तिच्या या पोस्टमधून स्वतःला व्यक्त केले आहे.
View this post on Instagram
हेमांगीने तिच्या पोस्टमध्ये लिहिले, “See you in Court!
माझे बाबा एलएलबी(वकिल) होते पण घरच्या परिस्तिथीमुळे practice न करता त्यांना नोकरी धरावी लागली. पण त्यांचा हा वकिलीचा अभ्यास त्यांनी त्यांच्या आयुष्यात वेळोवेळी उपयोगात आणला किंवा असं म्हणूया तो नकळतपणे येत होता. कंपनीच्या संपाच्या वेळेस, कंपनीच्या Union मध्ये, कधी कधी तर वैयक्तिक समस्या घेऊन बरेच लोक त्यांच्याकडे कायदेशीर सल्ले मागायला यायचे आणि माझे ‘पप्पा’ जणू त्यांच्याकडे आलेल्या एखाद्या professional case सारखी त्यांच्या मित्रांना, कामगारांना, ओळखीच्या लोकांना विना मुल्य मदत करायचे.
त्यावर माझी ‘मम्मी’ typical बायको सारखी कायम बोलायची, “या मदतीचे किमान पैसे तरी घ्या, का उगा लष्कराच्या भाकऱ्या भाजायच्या?” त्यावर ते वकिली उत्तर देत म्हणायचे “वकिलीची शपथ घेतली नाही तर मी कुणाकडून पैसे कसे घेणार? मी जर असे पैसे घेतले तर माझ्यावरच केस होईल. नाही का?” त्यावर बिच्चारी माझी मम्मी case मध्ये हरलेल्या client सारखी गप्प व्हायची. आम्ही भावंडं भांडायला लागलो की माझं मुद्देसुद बोलणं ऐकून माझी आई नेहमी म्हणायची rather अजूनही म्हणते वकिलाची मुलगी शोभतेस खरी!
सध्या मी STAR Pravah च्या ‘मन धागा धागा जोडते नवा’ मालिकेत एका वकिलाची भूमिका साकारतेय. माझ्या बाबांनी कधीच आमच्यावर त्यांचा वकिलीचा वारसा जपण्याची इच्छा लादली नाही! उलट आम्हांला जे आवडेल, झेपेल तेच शिकू दिलं! आवडतं क्षेत्र निवडू दिलं! पण आज मला असं वकिलाच्या Band आणि Gown मध्ये पाहून त्यांना खूप खूप आनंद झाला असता हे नक्की! माझ्या Acting Career चा महत्त्वाचा खांब असणाऱ्या माझ्या ‘पप्पांना’ माझ्या सर्व भूमिका समर्पित आहेतच पण Advocate Gayatri Vartak ही भूमिका खास तुमच्यासाठी पप्पा!”
हेमांगीच्या या पोस्टवर नेटकाऱ्यानी कमेंट्स करत तिचे कौतुक केले आहे. सोबतच तिच्या लिखाणाबद्दल देखील तिच्यावर स्तुतीसुमने उधळली आहेत.
अधिक वाचा-
–प्रिती झिंटाने केले जुळ्या मुलांचे मुंडण, फाेटाे शेअर करत सांगितले विधीचे महत्त्व
–राखीने सांगितला 15 दिवसात टोमॅटो पिकवण्याचा भन्नाट उपाय; म्हणाली, ‘सात जन्मासाठी उपयुक्त…’
