अभिनेता रणबीर कपूर (Ranbir Kapoor) सतत प्रसिद्धी झोतात असतो. त्याचा ‘शमशेरा’ हा चित्रपट शुक्रवारी प्रदर्शित झाला आहे. या चित्रपटातील त्याच्या भूमिकेचे खूप कौतुक होत आहे. या चित्रपटाला समीक्षकांकडूनही संमिश्र प्रतिसाद मिळाला. मात्र, हा चित्रपट बॉक्स ऑफिसवर काही खास कमाल दाखवू शकला नाही. रणबीरने आपल्या दमदार अभिनयाच्या जोरावर चित्रपटसृष्टीत स्वत:ची ओळख निर्माण केली आहे. ऋषी कपूर (Rishi Kapoor) यांचा मुलगा रणबीर चित्रपटातून भरपूर कमाई करतो. याशिवाय जाहिरातींमध्येही तो दिसतो. त्याच्या एकूण संपत्तीबद्दल जाणून घेऊया.
उत्पन्नाचे स्रोत
रणबीर कपूरच्या कमाईचे मुख्य साधन म्हणजे त्याचे चित्रपट आणि जाहिराती. मीडिया रिपोर्ट्सनुसार, तो प्रत्येक चित्रपटासाठी 20 ते 25 कोटी इतकी तगडी फी घेतो. यासोबतच जाहिराती हा त्याच्या उत्पन्नाचा मोठा स्रोत आहे. एका रिपोर्टनुसार, रणबीर कपूरची एकूण संपत्ती 300 कोटी रुपयांपेक्षा जास्त आहे. तो एका महिन्यात तीन कोटींहून अधिक कमावतो. (net worth of shamshera actor ranbir kapoor)
इतर मालमत्ता
यासोबतच त्याचे मुंबईत एक घर आहे, ज्याचे इंटीरियर डिझायनिंग शाहरुख खानची पत्नी गौरी खानने केले आहे. रणबीरच्या घराची किंमत जवळपास 16 कोटी रुपये आहे. यासोबतच तो मुंबई सिटी एफसी या फुटबॉल संघाचा सह-मालकही आहे.
कार कलेक्शन
लक्झरी लाइफ जगणाऱ्या रणबीर कपूरच्या कार कलेक्शनमध्ये Rolls Royce, Audi A8, Audi R8, Range Rover Sport तसेच Mercedes Benz G63 सारख्या कारचा समावेश आहे. यासोबतच त्याच्याकडे हार्ले डेविडसन बाईकही आहे.
लवकरच रणबीर कपूर पिता होणार आहे. त्याच वर्षी त्यांनी अभिनेत्री आलिया भट्टसोबत (Alia Bhatt) लग्न केले. ‘शमशेरा’ चालला नसेल, पण चाहते आता त्याच्या ‘ब्रह्मास्त्र’ चित्रपटाची आतुरतेने वाट पाहत आहेत. हा चित्रपट 9 सप्टेंबर रोजी प्रदर्शित होणार आहे. या चित्रपटात तो पहिल्यांदा पत्नी आलिया भट्टसोबत स्क्रीन शेअर करताना दिसणार आहे.
