पाकिस्तानी पंतप्रधान इमरान खानसोबत लग्नबंधनात अडकणार होती रेखा, अभिनेत्रीची आई कुंडली घेऊन थेट पोहोचली होती ज्योतिषीकडे

आपल्या सर्वांनाच माहिती आहे की, बॉलिवूड आणि क्रिकेटचं फार जुनं नातं आहे. क्रिकेटपटू आणि अभिनेत्रींमधील अफेअर काही नवीन नाहीत. असे बरेच खेळाडू आहेत, ज्यांचे अभिनेत्रींवर प्रेम होते. तसेच अनेकांचे प्रेमप्रकरण तर थेट लग्नापर्यंत पोहोचले होते. अशीच एक कहाणी आहे एव्हरग्रीन अभिनेत्री रेखा आणि पाकिस्तानचे सध्याचे पंतप्रधान तसेच माजी क्रिकेट कर्णधार इमरान खान यांची.

खरं तर इंस्टाग्रामवर एक फोटो व्हायरल होत आहे, ज्यामध्ये एका वृत्तपत्राचे कात्रण दिसत आहे. हा फोटो सन १९८५ मधील स्टार वृत्तपत्राचा आहे. ज्यामध्ये रेखा आणि इमरान खान यांचा फोटो दिसत आहे. यासोबतच लेखाची हेडलाईन त्यांच्या लग्नाशी संबंधित आहे.

यामध्ये स्पष्टपणे लिहिलेले दिसते की, ‘रेखा आणि इमरान ताहिर लग्न करतील?’ यात भारतीय चित्रपट जर्नलच्या हवाल्याने दोघांच्याही लग्नाबाबतचा खुलासा केला गेला आहे. यानुसार, रेखा यांच्या आई या नात्याने खूपच खुश होत्या. इतकेच नाही, तर त्यांनी यासाठी ज्योतिषीची भेट घेऊन कुंडलीही दाखवली होती. याव्यतिरिक्त असेही लिहिले आहे की, इमरान खान यांनी रेखासोबत मुंबईत काही काळ घालवला होता. दोघांनाही लोकांनी अनेकदा मुंबईतील बीचवर आणि नाईटक्लबमध्ये एकत्र पाहिले होते. त्यावेळी लोकांचे असे म्हणणे होते की, ते दोघेही एकमेकांच्या खूप जवळ होते आणि प्रेमात पडताना दिसत होते.