बॉलिवूड अभिनेता शाहरुख खानने मंगळवारी (२ नोव्हेंबर) आपला ५६ वा वाढदिवस साजरा केला. बॉलिवूडमधील अनेकांनी त्याला वाढदिवसाच्या शुभेच्छा दिल्या. मागील काही काळात त्याच्या आयुष्यात अनेक चढ-उतार आले होते. बॉलिवूडमध्ये अनेकजण शाहरुखचे जिगरी मित्र आहे. तसेच अनेकजण असे आहेत, ज्यांनी त्याच्याशी मैत्री करून देखील नंतर शत्रुत्व पत्करले होते. चला तर जाणून घेऊया त्या कालाकारांबद्दल जे शाहरुख खानचे जवळचे मित्र असूनही आज शत्रू बनले होते.
सलमान खान
सलमान खान आणि शाहरुख खान यांच्या मैत्रीची तर संपूर्ण दुनिया साक्षीदार आहे. मात्र, त्यांच्या या मैत्रीत अनेकवेळा कडवटपणा आला. २००२ मध्ये ‘चलते चलते’ या चित्रपटावेळी सलमान खानने ऐश्वर्या रायला धमकी दिली होती. ज्यामुळे तिला चित्रपटातून बाहेर काढले होते. यानंतर शाहरुख खान खूप नाराज झाला होता. त्यानंतर ‘मैं और मिसेस खन्ना’ या चित्रपटावेळी शाहरुख खानने सलमानला टोमणा मारला होता. ज्यामुळे त्यांची मैत्री बिघडली होती. यानंतर अनेक दिवस ते एकमेकांशी बोलत नव्हते. त्यानंतर २००८ मध्ये कॅटरिना कैफच्या पार्टीत पुन्हा एकदा शाहरुख आणि सलमानमध्ये वाद झाले आणि त्यांनी त्यांची मैत्री तोडून टाकली होती.
आमिर खान
‘कॉफी विथ करण’ या शोमध्ये शाहरुख खानने सांगितले होते की, चाहत्यांनी त्यांचा आदर्श विचार करून निवडला पाहिजे. यानंतर शाहरुख आणि आमिरमध्ये शीतयुद्ध चालू झाले होते. नंतर काही दिवसातच अशा बातम्या आल्या होत्या की, शाहरुख आणि आमिरमध्ये काहीतरी बिघडले आहे. आपल्या ब्लॉगमध्ये आमिर खानने शाहरुख खानवर कमेंट करून सर्वांना आश्चर्यचकित केले होते. आमिरने लिहिले होते की, ‘मी झाडाखाली बसलो आहे. माझ्या आजूबाजूला एक सुंदर दरी आहे. अम्मी इरा आणि जुनैद माझ्यासोबत आहेत. आम्ही आमचा आवडता खेळ खेळतो. शाहरुख माझा ठिगळ चाटतोय. मी त्याला रोज बिस्किटे खाऊ घालतो. मला यापेक्षा जास्त काही नको आहे. आमिरच्या या ब्लॉगने खळबळ उडाली होती. नंतर आमिरने सांगितले की त्याने आपल्या कुत्र्याचे नाव शाहरुख ठेवले आहे.
प्रियांका चोप्रा
असे म्हटले जाते की, शाहरुख खानने बॉलिवूडची ‘देसी गर्ल’ प्रियांका चोप्राला डेट केले आहे. त्यांच्या अफेरची चर्चा सर्वत्र चालू होती, परंतु त्यांच्यात तसे काहीच नव्हते. ते दोघेही खूप चांगले मित्र होते. अशातच गौरी खानला प्रियांका आणि शाहरुखमध्ये यावे लागले. त्यानंतर त्या दोघांची मैत्री तुटली. आजही ते दोघे एकमेकांशी बोलत नाहीत.
करण जोहर
शाहरुख खान हा त्याचा खास मित्र करण जोहर याच्यावरही नाराज झाला होता. याचा खुलासा करणने स्वतः केला होता की, शाहरुखला चित्रपटात काम न दिल्याने तो नाराज झाला होता. त्याने कितीतरी दिवस करणचे तोंड देखील बघितले नव्हते. यानंतर काही दिवसांनी शाहरुख खान आणि करण जोहरने ‘पिकू’ चित्रपटाच्या पार्टीत एकमेकांना मिठी मारली होती.
अर्जुन रामपाल
अर्जुन रामपाल आणि शाहरुख खान एकेकाळी खूप चांगले मित्र होते. तो शाहरुख खानच्या जवळपास सगळ्याच चित्रपटात दिसायचा. ‘रावण’ चित्रपटात देखील त्याने काम केले होते, परंतु हा चित्रपट फ्लॉप झाल्यानंतर त्यांच्यात काही वाद झाले. यानंतर त्या दोघांनी एकत्र काम केले नाही.
#ThrowbackTuesday: Shah Rukh Khan with Arjun Rampal during the promotion of #RaOne ???? pic.twitter.com/bto4gSEeh0
— Shah Rukh Khan Universe Fan Club (@SRKUniverse) May 14, 2019
फराह खान
संजय दत्तच्या एका पार्टीत शाहरुख खान आणि फराह खानच्या पतीमध्ये खूप भांडण झाले होते. अगदी मारामारी झाली होती. शिरीष कुंदरने पार्टीमध्ये रावण चित्रपटावरून त्याला टोमणा मारला होता. यानंतर त्यांच्यात खूप भांडणं झाली आणि फराह आणि शाहरुख यांच्या नात्यात दुरावा आला होता. मात्र, नंतर शाहरुख आणि फराहमध्ये सर्वकाही ठीक झाले, परंतु शिरीष आणि शाहरुख यांच्यात मैत्री झाली नाही.
अमिताभ बच्चन
शाहरुख खानने अमिताभ बच्चन यांच्याशी देखील पंगा घेतला होता. सगळ्यात आधी तर ‘कौन बनेगा करोडपती’ या शोमध्ये शाहरुखने अमिताभ बच्चन यांची जागा घेण्याचा प्रयत्न केला होता. यानंतर शाहरुख खानने ‘डॉन’ या चित्रपटाच्या रिमेकमध्ये काम केले होते. यामुळे अमिताभ बच्चन त्याच्यावर नाराज होते, परंतु काही वर्षानंतर त्यांच्यातील राग कमी झाला.
ऋतिक रोशन
माध्यमांतील वृत्तांनुसार, ऋतिक आणि शाहरुख यांच्यात अगदी क्षुल्लक कारणावरून भांडणं झाली होती. शाहरुख एका पार्टीत सिगारेट पित होता, तेव्हा ऋतिक तिथे गेला आणि त्याच्याकडे सिगारेट मागितली. त्यावेळी सिगारेट देताना शाहरुख खानने त्याला टोमणा मारला की, सिगारेट ॲक्टिंगची आहे जी तुला चांगला अभिनेता बनवेल. यामुळे ऋतिक रोशनला खूप वाईट वाटले होते. यानंतर त्यांनी एकमेकांशी बोलणे सोडून दिले होते. ते आजही एकत्र दिसत नाहीत.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-केवळ हजार रुपये घेऊन गौरीच्या शोधात मुंबईत आला होता शाहरुख, तर आज वर्षाला कमावतो ‘इतके’ कोटी
-जेव्हा करण जोहरने विचारला होता ‘न्यूड पोझ’बाबत प्रश्न, शाहरुख खानचे उत्तर ऐकून तुम्हीही व्हाल हैराण
-खरंच की काय! अभिनयामुळे नव्हे, तर नाकामुळे मिळाला होता ‘किंग खान’ला पहिला चित्रपट