हॉट किंवा बोल्ड अभिनेत्रींच्या तुलनेत, साधा पेहराव धारण करत लोकांमध्ये वावरणाऱ्या अभिनेत्री या सगळ्यांचे लक्ष वेधून घेत असतात. मोकळे सोडलेले केस, कपाळावर टिकली, गळ्यात छानसा नेकलेस, पंजाबी ड्रेस किंवा साडीमध्ये जेव्हा या अभिनेत्री दिसतात, तेव्हा त्यांच्या अदा घायाळ करणाऱ्या असतात. थोडक्यात काय, तर भारतीय वेषभूषेत बॉलिवूड अभिनेत्रींचं सौंदर्य आणखी उठून दिसतं. अभिनेत्री श्रद्धा कपूर हिला भारतीय वेशभूषेत पाहिल्यानंतर ही गोष्ट पुन्हा-पुन्हा सिद्ध होते.
अभिनेत्री श्रद्धा कपूर (Shraddha Kapoor) हिने कू या सोशल मीडिया प्लॅटफॉर्मवर भारतीय वेषभूषेतील तिचे काही फोटो शेअर केले आहेत. हे फोटो पाहणाऱ्यांच्या तोंडून आपसूकच ‘व्वा!’ अशी दाद निघते.
छान लिपस्टिक, कपाळावर बारीकशी टिकली, आणि सुंदर कानातले घातलेल्या श्रद्धाने पीच कलरचा आधुनिक पद्धतीचा भारतीय ड्रेस परिधान केला आहे. वाऱ्यामुळे चेहऱ्यावर रुळणाऱ्या अवखळ केशलता तिच्या सौंदर्यात आणखीनच भर घालणाऱ्या ठरतात. श्रद्धा मुळातच सुंदर आहे, सुंदर ड्रेस आणि छान मेकअपमुळे तिचं सौंदर्य खुलून उठतं. श्रद्धाने केलेली ही पोस्ट तिच्या चाहत्यांना आवडली असून लाईक्स आणि कमेंट्सचा पडणारा पाऊस त्याचीच ग्वाही देतात.
‘चिरकुट’ या टोपणनावाने ओळखल्या जाणाऱ्या श्रद्धाने अभिनय आणि आपल्या सौंदर्याच्या जोरावर मोठा चाहतावर्ग निर्माण केला आहे. सोशल मीडियावर सक्रिय असणारी श्रद्धा तिच्या फोटोशूटमधून चाहत्यांना वेशभूषेतील नवे ट्रेंड दाखवण्याचा प्रयत्न करत असते. श्रद्धाने शुक्रवारी (दि. १९ ऑगस्ट) ठाण्यामध्ये झालेल्या दही हंडी उत्सवाला हजेरी लावली होती. महाराष्ट्राचे मुख्यमंत्री एकनाथ शिंदे हे देखील तिच्यासोबत मंचावर उपस्थित होते. यावेळी श्रद्धाने उत्तम मराठी बोलत गोविंदांशी संवाद साधला. तिचं अस्खलित मराठी ऐकून अनेकांना सुखद धक्का बसला होता. दही हंडीच्या या कार्यक्रमाला हजेरी लावण्यासाठी श्रद्धाने विशेष वेशभूषा केली होती. या वेषभूषेतले फोटो तिने सोशल मीडियावर शेअर केले आहेत.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
बॉलिवूडवर शोककळा! ब्लॉकबस्टर सिनेमे बनवणाऱ्या निर्मात्याचं निधन, सुनेने दिली महत्त्वाची माहिती
‘दीपवीर’ने अलिबागमध्ये खरेदी केले नवीन घर, ‘एवढे’ कोटी मोजत बनले मालक, गृहप्रवेशाची पूजा संपन्न
ट्रोलर बोलला आणि तिने खरंच करून दाखवलं, उर्फीचा लेटेस्ट व्हिडिओ जोरदार व्हायरल
