लाल सिंग चड्ढा फ्लॉप झाल्यानंतर आमिर खानने (Aamir Khan) अभिनयातून ब्रेक घेतला. मात्र, आता तो पुनरागमनासाठी पूर्णपणे तयार आहे. ‘सितारे जमीन पर’ या चित्रपटातून तो अभिनेता म्हणून मोठ्या पडद्यावर परतणार आहे. नुकतेच त्याने या चित्रपटाच्या शूटिंगला सुरुवात केली आहे.
चाहते त्यांच्या आवडत्या स्टारच्या चित्रपटाबद्दल खूप उत्सुक आहेत. या चित्रपटात त्याच्यासोबत जिनीलिया देशमुख देखील महत्त्वाच्या भूमिकेत दिसणार आहे. अशातच सोमवारी (18 मार्च) चित्रपटाच्या सेटवरील एक फोटो सोशल मीडियावर व्हायरल झाला. या फोटोमध्ये जिनीलिया आणि आमिर एकत्र दिसत आहेत.
या फोटोमध्ये अभिनेत्री कॅज्युअल लूकमध्ये दिसत आहे. तिने जीन्स आणि पांढरा टॉप घातला आहे. आमिरच्या बोलण्यावर ती खूप आनंदी हसताना दिसते. तर आमिर खान ब्लॅक टी-शर्ट आणि ब्लू जीन्समध्ये दिसत आहे. डिसेंबर 2024 मध्ये ख्रिसमसच्या मुहूर्तावर हा चित्रपट प्रदर्शित होणार आहे.
अभिनयासोबतच आमिर खान निर्माता म्हणूनही सक्रिय आहे. लाहोर 1947 ची निर्मिती त्यांच्या प्रॉडक्शन हाऊसच्या बॅनरखाली होत आहे. हा चित्रपट राजकुमार संतोषी दिग्दर्शित करत आहेत. या चित्रपटात सनी देओल मुख्य भूमिकेत दिसणार आहे. त्याचबरोबर प्रीती झिंटाही या चित्रपटाद्वारे मोठ्या पडद्यावर पुनरागमन करत आहे. नुकतेच या चित्रपटाचे शूटिंगही सुरू झाले आहे. माध्यमातील वृत्तानुसार आमिर खान या चित्रपटात कॅमिओ करताना दिसणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
रिहानाबाबत ओरीचे मोठे वक्तव्य; म्हणाला, ‘जामनगरमध्ये भेटण्यापूर्वी ती कोण आहे मला माहीत नव्हते’
जेलमध्ये हलवा-पुरी देऊन एल्विशचं स्वागत! युजर्स म्हणाले, ‘सिस्टम’ तिथेही चालू आहे’
