काय लका मोठी संधी हुकवली ! महेश बाबूने राजामौलीच्या ‘या’ चित्रपटात केले फुकटात काम

तेलगू सुपरस्टार महेश बाबू (Mahesh Babu) नुकताच गुंटूर करम या चित्रपटात दिसला होता. त्रिविक्रम श्रीनिवास दिग्दर्शित हा चित्रपट 12 जानेवारी रोजी संक्रांतीच्या मुहूर्तावर जगभरात प्रदर्शित झाला. चाहत्यांना हा चित्रपट खूप आवडला. त्याचबरोबर अनेक समीक्षकांनी या चित्रपटावर संमिश्र प्रतिक्रिया दिल्या.

आता हा अभिनेता लवकरच एसएस राजामौली (Rajamouli) दिग्दर्शित चित्रपटात आपले अभिनय कौशल्य दाखवताना दिसणार आहे. सध्या या चित्रपटाचे नाव SSMB 29 आहे. या चित्रपटाची घोषणा झाल्यापासून लोक त्याची आतुरतेने वाट पाहत आहेत. अनेक रिपोर्ट्समध्ये असा दावा करण्यात आला आहे की, हा चित्रपट हॉलिवूडमधील लोकप्रिय चित्रपट मालिका इंडियाना जोन्सच्या धर्तीवर असेल आणि त्यात हनुमानाशी संबंधित कथा पाहायला मिळणार आहे.

या चित्रपटाबाबत एक नवीन माहिती समोर आली आहे. महेश बाबू, जे सहसा एका चित्रपटासाठी 60 ते 80 कोटी रुपये घेतात, त्यांनी राजामौलीच्या प्रकल्पासाठी कोणतेही मानधन न घेण्याचा निर्णय घेतला आहे. चित्रपटातील नफा तो राजामौलीसोबत शेअर करणार असल्याचे सांगण्यात येत आहे. सध्या चित्रपटाच्या टीमने या वृत्तांना दुजोरा दिलेला नाही.

एसएसएमबी 29 चे बजेट सुमारे 1000 कोटी रुपये असल्याचा दावा अहवालात करण्यात आला आहे. असे सांगितले जात आहे की चित्रपटाची स्क्रिप्ट तयार आहे आणि सध्या SSMB 29 साठी प्री-प्रॉडक्शन काम सुरू आहे. मात्र, अद्याप या चित्रपटाबाबत अधिकृत दुजोरा मिळालेला नाही.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

शरद पोंक्षेंच्या ‘त्या’ निर्णयावर संकर्षणने मांडले मत, म्हणाला,’…हे फार धाडसाचं काम आहे’
बिग बॉसनंतर अंकिता लोखंडे आणि आयशा खानचे चमकले नशीब, ‘या’ कास्टिंग डायरेक्टरने दिली थेट चित्रपटाची ऑफर