अभिनेता शाहिद कपूर (Shahid Kapoor) ‘तेरी बातों में ऐसा उल्झा जिया’ या चित्रपटामुळे चर्चेत आहे. या चित्रपटात तो क्रिती सेननसोबत स्क्रीन शेअर करताना दिसणार आहे. या चित्रपटात शाहिद कपूर एका रोबोट सायंटिस्टच्या भूमिकेत आहे. तर क्रिती रोबोट सिफराच्या भूमिकेत दिसणार आहे. पुढील महिन्यात व्हॅलेंटाईन वीकमध्ये हा चित्रपट प्रदर्शित होणार आहे. अलीकडेच शाहिद कपूरने आयुष्यातील AI च्या भूमिकेबद्दल सांगितले.
‘तेरी बातों में ऐसा उल्झा जिया’ हा चित्रपट एका प्रेमकथेवर आधारित आहे. या चित्रपटात आर्टिफिशियल इंटेलिजन्स (AI) च्या जगात एक सुंदर आणि अशक्य प्रेमकथा दाखवण्यात येणार आहे. अलीकडेच शाहित आणि क्रिती या चित्रपटाच्या प्रमोशनसाठी पिंक सिटी जयपूरला गेले होते. इव्हेंटमध्ये जेव्हा शाहिदला विचारण्यात आले की AI भविष्यात मानवी भावना पकडेल का?
या प्रश्नाचे उत्तर देताना शाहिद म्हणाला, “खरं तर चित्रपट याच विषयावर आधारित आहे. चित्रपट तुम्हाला विश्वासाची छोटीशी झेप घेण्यास आणि शक्यता पाहण्यास सांगतात. शाहिद कपूर पुढे म्हणाला, “राइट ब्रदर्सच्या आधी कोणीही विश्वास ठेवत नव्हता की माणूस उडू शकतो आणि उडू शकतो आणि मग त्यांनी काहीतरी केले आणि त्याने सर्वकाही बदलले, बरोबर?” अभिनेता पुढे म्हणाला, “मला वाटते की आपण अशा काळाच्या उंबरठ्यावर आहोत जिथे AI खूप मोठी भूमिका साकारणार आहे. हे आपले भविष्य निश्चित करण्यासाठी मूलभूत असेल.”
या चित्रपटात क्रिती सेनन आणि शाहिद कपूर पहिल्यांदाच एकत्र स्क्रीन शेअर करताना दिसणार आहेत. चित्रपटाचे दिग्दर्शन अमित जोशी आणि आराधना साह यांनी केले आहे. यात ज्येष्ठ अभिनेते धर्मेंद्रही दिसणार आहेत. हा चित्रपट ९ फेब्रुवारीला प्रदर्शित होत आहे. या चित्रपटाबाबत शाहिद कपूर म्हणाला की, हा खूप मजेशीर आहे, जो तुमचे खूप मनोरंजन करेल.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
बाॅलिवुडमध्ये पदार्पण करण्याआधी बाॅर्डरवर देशसेवा करत होते ‘हे’ 5 ऍक्टर, जाणून घ्या कोण आहेत ते
अक्षय कुमारपासून ते अनुपम खेरपर्यंत ‘या’ कलाकारांनी दिल्या प्रजासत्ताक दिनाच्या शुभेच्छा
