बाॅलिवूडमधील अशा अनेक अभिनेत्री आहेत, ज्यांनी खूप कमी काळात प्रसिद्धी मिळाली. त्या फक्त ग्लॅमरस लुकसाठीच नाही, तर त्यांच्या अभिनयामुळेही प्रसिद्धीच्या झोतात आल्या. अनेक अभिनेत्रींनी आपल्या अभिनयाच्या जोरावर प्रेक्षकांच्या हृदयात घर केले आहे. हे तर सर्वांना ठाऊक असेलच, मात्र यासोबत अनेकदा अभिनेत्रींच्या मानधनाच्या बातम्या देखील प्रचंड गाजताना दिसतात. आजकाल मनोरंजन विश्वातील अभिनेत्री एक चित्रपटासाठी किती मानधन घेतात हा विषय अनेकदा चर्चेचा ठरत आहे. बाॅलिवूडमधील अशा अनेक अभिनेत्री आहेत, ज्या अभिनेत्यांच्या बरोबरीने मानधन घेतात, तर काही अभिनेत्री खूप प्रसिद्ध असूनही कमी मानधन घेऊन काम करतात. चला तर मग पाहूयात या अभिनेत्री आहेत तरी कोण?
तारा सुतारिया :
तारा सुतारियाने बालकलाकार म्हणून अभिनय क्षेत्रात पदार्पण केले होते. २०१९ साली ताराने ‘स्टुडंट ऑफ द इयर २’ या चित्रपटात महाविद्यालय विद्यार्थिनींची भूमिका साकारली अणि चित्रपटसृष्टीत पदार्पण केले. ताराने तिच्या ग्लॅमरस लूकने लाखो चाहत्यांची मने जिंकली. माध्यमातील वृत्तानुसार, तारा एका चित्रपटासाठी १ कोटी रुपये मानधन घेते.
इलियाना डिक्रुझ :
इलियाना डिक्रुझ ही एक भारतीय चित्रपटसृष्टीतील प्रसिद्ध अभिनेत्री आहे. आपल्या कारकिर्दीची माॅडेलिंगमधून सुरुवात करणाऱ्या इलियानाने तेलुगू चित्रपटांपासून करियरची सुरुवात केली. इलियानाने २०१२ साली ‘बर्फी’ या चित्रपटातून बाॅलिवूडमध्ये पदार्पण केले. या चित्रपटातील तिच्या भूमिकेसाठी तिला फिल्मफेअर पुरस्कार देण्यात आला. तिने तिच्या ग्लॅमरस लूकने चाहत्यांना वेड लावले. माध्यमातील वृत्तानुसार, इलियाना एक चित्रपटासाठी १.६ कोटी रुपये मानधन घेते.
जॅकलिन फर्नांडिस :
‘किक’ फेम अभिनेत्री जॅकलिन फर्नांडिस इंडस्ट्रीत खूप सक्रिय आहे. जॅकलिनने अनेक हिट चित्रपटांमध्ये काम केले. जॅकलिनने २००९साली ‘अलादिन’ या चित्रपटातून चित्रपटसृष्टीत पदार्पण केले. २००६मध्ये जॅकलिन मिस श्रीलंका युनिव्हर्स बनली. माध्यमातील वृत्तानुसार, जॅकलिन एका चित्रपटासाठी २ करोड रूपये मानधन घेते.
क्रिती सेनन :
अभिनेत्री क्रिती सेनन तिच्या सौंदर्याने अनेक चाहत्यांवर भूरळ घालते. क्रितीने २०१४ साली तेलुगू चित्रपटातून चित्रपटसृष्टीत पदार्पण केले. त्यानंतर क्रितीने ‘हिरोपंती’ चित्रपट करून बाॅलिवूडमध्ये पदार्पण केले. क्रितीच्या नुकत्याच प्रदर्शित झालेल्या ‘मिमी’ चित्रपटाला प्रेक्षकांनी खूप प्रतिसाद दिला. क्रिती सध्या हळूहळू यशाच्या पायर्‍या चढत आहे. ती एका चित्रपटासाठी २ कोटी रुपये मानधन आकारते.
अनन्या पांडे :
चंकी पांडेची मुलगी अनन्य पांडे सतत कोणत्या ना कोणत्या कारणाने चर्चेत येते. अनन्याने खूप कमी काळात आपली ओळख निर्माण केली. अनन्या सोशल मीडियावर सतत सक्रिय असते. ती नेहमी हाॅट फोटो आणि व्हिडिओ शेअर करते. करण जोहरचा ‘स्टुडंट ऑफ द इयर २’या चित्रपटातून अनन्याने चित्रपटसृष्टीत पदार्पण केले. अनन्या एक चित्रपटासाठी २ ते ३ कोटी रुपये मानधन घेते.
या अभिनेत्री इतक्या लोकप्रिय आणि प्रसिद्ध असूनही कमी मानधन का घेतात याचे उत्तर त्याच देऊ शकतील.
दैनिक बोंबाबोंचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
–श्रीदेवी यांच्या हिट गाण्यावर जबरदस्त नाचली पाकिस्तानी अभिनेत्री आयजा खान
–फॅन्सला पुन्हा झाला बिग बॉस फेम सोनाली फोगट यांच्या जबरदस्त डान्सचा ‘दिदार’
