बॉलिवूडच्या हॉट अभिनेत्रींपैकी एक असलेली सनी लिओनी नेहमीच आपल्या ग्लॅमरस अंदाजाने चाहत्यांच्या मनावर राज्य करत आली आहे. ती आपल्या बोल्ड अंदाजातही इतकी सुंदर दिसते की, चाहते पुरते घायाळ होतात. मागील ९ वर्षांपासून बॉलिवूडमध्ये सक्रिय आहे. या ९ वर्षांच्या काळात तिने आपळे एक विशेष असे स्थान निर्माण केले आहे. तिने आपले वैयक्तिक आणि व्यावसायिक आयुष्य उत्तमरीत्या सांभाळले आहे. ती सोशल मीडियावर चांगलीच सक्रिय असते आणि आपल्या फोटोंनी चाहत्यांना वेड लावत असते. तिने नुकतेच एक पोस्ट शेअर केली आहे, ज्यामध्ये तिने खऱ्या पुरुषाने काय केले पाहिजेे, हे सांगितले आहे.
सनीने आपल्या अधिकृत इंस्टाग्राम स्टोरीवर एक व्हिडिओ शेअर केला आहे. यासोबतच तिने कॅप्शनमध्ये लिहिले आणि समजावले की, खऱ्या पुरुषाने काय केले पाहिजेे. तिने लिहिले की, “खऱ्या पुरुषाने काय केले पाहिजे? अशा महिलांची मदत जी एकटी होती आणि तिला आपल्या गाडीचा टायर बदलण्याची आवश्यकता होती. खूप छान डॅनियल, लव्ह यू.”
खरं तर सनीचा पती डॅनियल वेबरने एकटी असलेल्या महिलेच्या गाडीचा टायर बदलण्यात मदत केली होती. याबाबतत सनीने एक व्हिडिओ शेअर करत डॅनियलची प्रशंसा केली आहे. यासोबतच तिने आपल्या पतीचा अभिमान असल्याचेही सांगितले आहे. सनीने सर्व पुरुषांना आवाहन केले आहे की, त्यांनी अशाप्रकारे इतरांची मदत केली पाहिजे.
खरं तर सनी आणि तिचा पती डॅनियलला टिनसेल शहराच्या सर्वाधिक आवडत्या जोडींपैकी एक मानले जाते. त्यांची भेट कॉमन फ्रेंडच्या माध्यमातून वेगासच्या एका क्लबमध्ये झाली होती. सनी आणि डॅनियल सन २०११ मध्ये लग्नबंधनात अडकले होते. त्यानंतर दोघांनीही सन २०१७ मध्ये भारतात येऊन मुलगी निशाला दत्तक घेतले. यानंतर दोघांनीही सरोगसीमार्फत आपली दोन मुले अशर सिंग वेबर आणि नोआ सिंग वेबर यांचे स्वागत केले होते.
एका मुलाखतीदरम्यान सनीने रिलेशनशिपबद्दल बोलताना म्हटले होते की, “मला वाटते की, मी एक जुन्या- शाळेतील रोमँटिक मुलगी आहे. मी आताही तीच व्यक्ती आहे, जी लोकांसोबत चर्चा करणे, वैयक्तिक चर्चा करणे आणि आपल्या प्रतिक्रियांचा सहजतेने स्वीकार करण्यात विश्वास ठेवते. डेटिंगचे आधुनिक नियम बदलले आहेत. तरुणांकडून व्हर्च्युअल डेटिंगला पसंत केले जात आहे आणि ही सुविधा घेऊन आली आहे. परंतु मला वाटते की, यामुळे नवीन लोकांशी भेटण्याचे आकर्षणही दूर झाले आहे आणि संबंध निर्माण करण्यासाठी महत्त्वपूर्ण समीकरणं बनवली आहेत.”
सनी लिओनीच्या कामाबद्दल बोलायचं झालं, तर ती लवकरच विक्रम भट्ट यांच्या ‘अनामिका’मध्ये दिसणार आहे. याव्यतिरिक्त ती हॉरर कॉमेडी चित्रपट ‘कोका कोला’, ‘रंगीला’ आणि ‘वीरमादेवी’ यामध्येही आपल्या अभिनयाची झलक दाखवणार आहे.
सध्या सनी टीव्हीवरील प्रसिद्ध रियॅलिटी शो ‘स्प्लिट्सव्हिला १३’ सिझन होस्ट करत आहे. तिने हा शो ७व्या सिझनपासून होस्ट करण्यास सुरुवात केली होती.
सनीने सन २०१२ साली ‘जिस्म २’ या चित्रपटातून बॉलिवूडमध्ये एंट्री केली होती.
दैनिक बोंबाबोंबचे टेलिग्राम चॅनेल जॉईन करण्यासाठी येथे क्लिक करा…
हेही नक्की वाचा-
