बॉलिवूडची सर्वात फॅशनेबल अभिनेत्री म्हणून सोनम कपूर ओळखली जाते. सोनमला बॉलिवूडमध्ये जरी अपेक्षित यश मिळाले नसले तरी तिने स्वतःला एक उत्तम फॅशनसेन्स असलेली अभिनेत्री म्हणून सिद्ध केले आहे. सोनमने आतापर्यंत अनेक चित्रपटांमध्ये काम केले मात्र तिला खरी प्रसिद्धी ही तिच्या फॅशन टॅलेंटमुळेच मिळाली. २०२२ हे वर्ष सोनमसाठी अतिशय खास ठरले तिने यावर्षी तिच्या मुलाला जन्म दिला. ‘वायू’ असे तिच्या मुलाचे नाव आहे.
सोनमने २० ऑगस्ट २०२२ रोजी तिच्या मुलाला जन्म दिला. मात्र अजूनही सोनमने तिच्या मुलाचा चेहरा दाखवला नाही. मात्र सोनम सतत तिच्या मुलासोबत स्पॉट केली जाते. ती देखील मधे मधे वायूचे फोटो शेअर करत असते. नुकताच तिचा पती असलेल्या आनंद अहुजाने एक पोस्ट त्याच्या इंस्टाग्राम अकाऊंटवर शेअर केली आहे ज्यात त्याने अनेक फोटो तर शेअर केले आहेतच सोबतच त्याने वायूचा एक व्हिडिओ देखील पोस्ट केला आहे.
View this post on Instagram
आनंदने पोस्ट केलेल्या व्हिडिओमध्ये तो वायूला घेऊन हॉलमध्ये सोनम कपूरच्या आईजवळ अर्थात सुनीता कपूर जवळ येतो. त्याला बघताच सुनीता खुश होते आणि त्याला घेत त्याचे लाड करते आणि म्हणते, ‘हाय वायू माझं बाळ’ या व्हिडिओमध्ये अनुपम खेर, अनिल कपूर, अनंत कपूर देखील दिसत आहे. याआधी सोनम कपूरने देखील वायूचा एक फोटो शेअर केला होता. या फोटोमध्ये आनंद आहुजाने वायूला कडेवर घेतले होते. हा फोटो शेअर करताना तिने सर्वांना नवीन वर्षाच्या शुभेच्छा देत लिहिले होते की, “माझे दोन वाघ, माझे संपूर्ण जग, मागचे वर्ष आपल्यासाठी खूपच खास होते. अशातच उशिरा तरीही, सर्वांना नवीन वर्षाच्या हार्दिक शुभेच्छा. आयुष्याचा एक एक दिवस आधीच सुंदर होत आहे. देवा तू जे काही दिले त्यासाठी धन्यवाद.”
आनंद अहुजा आणि सोनम कपूर यांनी २०१८ साली लग्न केले. आता लवकरच सोनमचा ‘ब्लाइंड’ हा सिनेमा प्रदर्शित होणार आहे.
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
हेही वाचा-
दिग्गज अभिनेते सतीश शाह यांच्यावर झाली वर्णभेदावरून कमेंट, दिले सणसणीत उत्तर
इंजिनिअरिंग सोडून ‘या’ कलाकारांनी अभिनयात आजमावले नशिब, आज आहेत बॉलिवूडचे स्टार
