बॉलीवूड अभिनेत्री स्वरा भास्करने राजकीय कार्यकर्ते फहाद अहमदसोबत गुपचूप लग्न केले आहे. एक व्हिडिओ पोस्ट करत तिने चाहत्यांना तिच्या लग्नाची माहिती दिली आहे. अशात आता पती फहाद अहमदनेही स्वराच्‍या व्हिडिओवर प्रतिक्रिया दिली असून, तिच्यावर प्रेमाचा वर्षाव केला आहे.
स्वरा भास्करने ट्विटर हँडलवर तिच्या लग्नाची घोषणा करणारा एक व्हिडिओ पोस्ट केला आहे, ज्यामध्ये ती फहाद अहमदसोबत दिसत आहे. तिने कॅप्शनमध्ये लिहिले की, “कधीकधी तुम्ही दूर-दूरपर्यंत शोधत राहता, पण ते तुमच्या आजूबाजूला असतात. आम्ही प्रेम शोधत होतो, पण आम्हाला आधी मैत्री मिळाली आणि नंतर आम्ही एकमेकांना शोधले. माझ्या हृदयात स्वागत आहे फहाद अहमद. इथे खूप गोंगाट आहे, पण तो तुमचा आहे.”
View this post on Instagram
या व्हिडिओच्या माध्यमातून स्वरा भास्करने सांगितले की, तिने फहादसोबत अनेक आंदोलनांमध्ये कसा आवाज उठवला. यानंतर दोघांचे नाते हळूहळू बदलून लग्नापर्यंत पोहोचले.
स्वरा भास्करच्या या ट्विटला उत्तर देताना पती फहाद अहमदने लिहिले की, “मला माहित नव्हते की, आवाज इतका सुंदर असू शकतो. माझा हात धरल्याबद्दल माझ्या प्रिय स्वरा भास्करचे आभार.” स्वराच्‍या या व्हिडिओवर कमेंट करत तिचे चाहते तिला लग्‍नासाठी खूप-खूप शुभेच्छा देत आहेत. स्वरा भास्कर आणि फहाद झिरार अहमद यांच्या लग्नाचे फोटो आणि व्हिडिओ इंटरनेटवर धुमाकूळ घालत आहेत.
स्वरा भास्कर तिच्या दमदार अभिनयासाठी ओळखली जाते. तिने ‘रांझना’, ‘तनु वेड्स मनू’, ‘तनु वेड्स मनु रिटर्न्स’, ‘प्रेम रतन धन पायो’, ‘निल बट्टे सन्नाटा’, ‘अनारकली ऑफ आरा’ यांसारख्या चित्रपटांमध्ये आपले अभिनय कौशल्य दाखवले आहे. अशात आता चाहत्यांना तिच्या पुढच्या चित्रपटाची प्रतीक्षा आहे.(bollywood actress swara bhasker husband fahad zirar ahmad reply on her post after wedding says thank you for holding my hand love)
दैनिक बाेंबाबाेंबचा व्हाॅटसऍप ग्रूप जाॅईन करण्यासाठी येथे क्लिक करा
दैनिक बाेंबाबाेंबचा टेलिग्राम ग्रूप जाॅईन करण्यासाठी येथे क्लिक करा
महत्त्वाच्या बातम्या-
भांडं फुटलं रे! स्वरा भास्करने केले समाजवादी पक्षाच्या ‘फहाद अहमद’साेबत लग्न, पाहा व्हिडिओ
स्वरा भास्करने 4 वर्षांनी लहान फहाद अहमदशी केले लग्न, कोण आहे हा राजकीय नेता? वाचा सविस्तर
