अक्षय कुमार अभिनीत ‘हाऊसफुल’ ही बॉलीवूड मधील सर्वात लोकप्रिय कॉमेडी फ्रँचायझींपैकी एक आहे. आता निर्माते तिचा पाचवा भाग आणण्याच्या तयारीत आहेत आणि त्याची घोषणाही झाली आहे. यावेळी अक्षय कुमार आणि रितेश देशमुख सोबत फरदीन खान देखील असणार आहे. आता निर्मात्यांनी एक महिला लीड फायनल केली आहे आणि ती दुसरी कोणीही नसून जॅकलिन फर्नांडिस आहे.
या बातमीमुळे चाहत्यांची चित्रपटाबद्दलची उत्सुकता आणखीनच वाढली आहे. हा चित्रपट एका क्रूझच्या पार्श्वभूमीवर सेट केला गेला आहे.’हाऊसफुल’ मालिकेतील ३०० कोटींचे बजेट असलेला हा सर्वात महागडा चित्रपट मानला जातोय, या चित्रपटाचा हेतू फ्रँचायझीला नवीन उंचीवर नेण्याचा आहे.
जॅकलीन हाऊसफुल फ्रँचायझीमध्ये परतण्यासाठी उत्सुक आहे. ती कॉमिक स्पेसचा आनंद घेते आणि साजिद नाडियाडवाला आणि हाउसफुल फ्रँचायझीसोबत तिचा सहवास सुरू ठेवण्यात ती आनंदी आहे. साजिद या कलाकारांमध्ये आणखी तीन ए-लिस्टर अभिनेत्रींचा समावेश करण्यासाठी उत्सुक आहे, ज्याची अधिकृत घोषणा लवकरच होण्याची अपेक्षा आहे.
‘हाऊसफुल 5’ या वर्षी दिवाळीच्या मुहूर्तावर रिलीज होणार होता, पण निर्मात्यांनी त्याची रिलीज डेट ६ जून २०२५ पर्यंत लांबवली आहे. साजिद नाडियादवाला यांनी गेल्या डिसेंबरमध्ये इन्स्टाग्रामवर चित्रपटाच्या विलंबाची घोषणा केली होती. तरुण मनसुखानी दिग्दर्शित, ‘हाऊसफुल 5’ मध्ये पुन्हा एकदा अभिषेक बच्चन, रितेश देशमुख आणि संजय दत्त दिसणार आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
