मोठ्या चित्रपटांनी आणि संस्मरणीय ब्लॉकबस्टर क्षणांनी भरलेल्या 2025 या वर्षात आदित्य धर दिग्दर्शित ‘धुरंधर’ या चित्रपटाने स्वतःची वेगळी ओळख निर्माण केली आहे. रणवीर सिंग आणि अक्षय खन्ना यांच्या दमदार मुख्य भूमिका, भव्य मांडणी आणि हाय-ऑक्टेन हेरगिरी हा चित्रपट चर्चेचा केंद्रबिंदू ठरला आहे. 5 डिसेंबर 2025 रोजी प्रदर्शित झालेल्या ‘धुरंधर’ने (Dhurandhar)बॉक्स ऑफिसवर ₹350 कोटींपेक्षा अधिक कमाई करत वर्षातील टॉप हिंदी चित्रपटांमध्ये स्थान मिळवले आहे. या चित्रपटाचे एक मोठे वैशिष्ट्य म्हणजे त्यातील टेलिव्हिजन इंडस्ट्रीतील नामवंत कलाकारांची प्रभावी उपस्थिती. मर्यादित स्क्रीन टाइम असूनही या ‘धुरंधर’मधील टीव्ही कलाकारांनी आपल्या भूमिकांमधून प्रेक्षकांवर ठसा उमटवला आहे.
सौम्या टंडन -लोकप्रिय सिटकॉम ‘भाभीजी घर पर हैं!’ मुळे घराघरात पोहोचलेली सौम्या टंडन ‘धुरंधर’मध्ये धोकादायक दरोडेखोर रेहमान (अक्षय खन्ना) यांची पत्नी उल्फतच्या भूमिकेत दिसते. तिचा गंभीर आणि संयमी अभिनय समीक्षकांनी विशेषपणे दखल घेतला आहे. सौम्याने रणवीर सिंगच्या अभिनयाचे उघडपणे कौतुकही केले आहे.
गौरव गेरा- विनोदी भूमिकांसाठी ओळखला जाणारा गौरव गेरा या चित्रपटात मोहम्मद आलमच्या गूढ भूमिकेत दिसतो. त्याचा हा वेगळा अवतार प्रेक्षकांसाठी आश्चर्य ठरला असून, कथेला अधिक खोली देणारा ठरतो.
राकेश बेदी-टेलिव्हिजन आणि चित्रपटसृष्टीतील ज्येष्ठ अभिनेता राकेश बेदी ‘धुरंधर’मध्ये महत्त्वाच्या भूमिकेत दिसतो. याआधी आदित्य धरसोबत ‘उरी’मध्ये काम केलेल्या बेदींच्या अभिनयाचेही कौतुक होत आहे.
मानव गोहिल- मानव गोहिल सुशांत बन्सलच्या भूमिकेत दिसतो. आर. माधवनच्या पात्रासोबत धोरणात्मक निर्णयांमध्ये त्याची भूमिका महत्त्वाची असून, सहाय्यक कलाकार म्हणून त्याचा अभिनय प्रभावी ठरतो.
क्रिस्टल डिसूझा आणि आयेशा खान-चित्रपटातील खास गाणे ‘शरारत’मध्ये क्रिस्टल डिसूझा आणि आयेशा खान झळकतात. एक्शनने भरलेल्या कथेत हे गाणे ग्लॅमर आणि स्टाइलची झलक देत प्रेक्षकांचे लक्ष वेधून घेते.
टीव्ही कलाकारांची उपस्थिती का महत्त्वाची?
‘धुरंधर’ची कथा जरी गुप्तहेर मोहीम, भू-राजकीय तणाव आणि थरारक एक्शनवर आधारित असली, तरी टेलिव्हिजन कलाकारांनी कथेला भावनिक खोली आणि विश्वासार्हता दिली आहे. हा चित्रपट सध्याच्या त्या ट्रेंडचे प्रतीक आहे, जिथे टीव्ही कलाकार केवळ कॅमिओपुरते मर्यादित न राहता प्रभावी आणि ताकदीच्या भूमिकांमध्ये झळकत आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
