रणवीर सिंहच्या ‘धुरंधर’ चित्रपटाची क्रेझ अजूनही प्रेक्षकांच्या डोक्यावर चढून बोलत आहे. चाहतेच नाही, तर अनेक सेलिब्रिटीही या चित्रपटाचं कौतुक करत आहेत. आता अभिनेत्री शिल्पा शेट्टीनेही ‘धुरंधर’ची मनापासून प्रशंसा केली असून रणवीर सिंहसह संपूर्ण स्टारकास्ट आणि दिग्दर्शक आदित्य धर यांचं तिने खास कौतुक केलं आहे.
शिल्पा शेट्टीने (Shilpa Shetty)तिच्या इन्स्टाग्रामवर एक व्हिडिओ शेअर केला आहे. या व्हिडिओमध्ये ती ‘धुरंधर’मधील FA9LA गाण्यावर डान्स करताना दिसत आहे. विशेष म्हणजे, तिने अक्षय खन्नाच्या डान्स स्टेप्सची नक्कल केली आहे.
या व्हिडिओच्या कॅप्शनमध्ये शिल्पाने लिहिलं, “फॅन तर मिळाला नाही, पण मी स्वतः फॅन झाले आहे. त्यामुळे हा ट्रेंड बनवायलाच हवा. रणवीर सिंह, तुमचा टाइम आला आहे. अप्रतिम अभिनय, भूमिकेत पूर्ण फिट! अक्षय खन्नाचा ऑरा कमाल आहे. आर. माधवन हे काम तुमच्याशिवाय कोणीच करू शकत नाही. अर्जुन रामपाल नेहमीसारखे जबरदस्त, आणि संजय दत्त कायम रॉकस्टार!”
शिल्पाने पुढे चित्रपटाच्या बॅकग्राउंड स्कोर आणि संगीताचंही भरभरून कौतुक केलं. तिने दिग्दर्शक आदित्य धर यांना दूरदर्शी म्हटलं. तसेच, जबरदस्त कास्टिंगसाठी कास्टिंग डायरेक्टर मुकेश छाब्रा यांचे विशेष आभार मानले.
शिल्पाने लिहिलं, “गौरव गेरा, मानव गोहिल आणि राकेश बेदी यांची कास्टिंग अप्रतिम आहे. बॅकग्राउंड स्कोर आणि संगीतासाठी शाश्वत सचदेव यांचे खास आभार. सध्या हीच माझी फेव्हरेट प्लेलिस्ट आहे.”
‘धुरंधर’ सध्या बॉक्स ऑफिसवर तुफान कमाई करत आहे. अवघ्या १८ दिवसांत या चित्रपटाने ५५७ कोटी रुपयांहून अधिक कमाई केली आहे. आदित्य धर दिग्दर्शित या स्पाय-थ्रिलरमध्ये देशातील खऱ्या घटनांवर आधारित कथा दाखवण्यात आली आहे. रणवीर सिंहसह अक्षय खन्ना, अर्जुन रामपाल, आर. माधवन, संजय दत्त, सारा अर्जुन आणि राकेश बेदी प्रमुख भूमिकांमध्ये झळकत आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
कथा अजून संपलेली नाही…’अजय देवगणच्या ‘दृश्यम 3’ची अधिकृत घोषणा; जाणून घ्या रिलीज डेट
