बॉलिवूड चित्रपट निर्माती किरण राव यांना चिकनगुनिया झाल्याचे उघड झाले होते. मात्र आता किरण राव यांनी सोशल मीडियावर आरोग्याविषयीची अपडेट शेअर केली आहे. या अपडेट मध्ये बरे होण्याच्या प्रवासाबद्दल तिने सांगितले आहे. आणि तिने तिच्या बरे होण्याच्या काळात तिच्या मित्रांकडून मिळालेल्या पाठिंब्याची आणि प्रेमाची झलकही शेअर केली. किरणने तिच्या इंस्टाग्राम स्टोरीवर स्वतःचा एक हसरा फोटोही शेअर केला, ज्यामध्ये तिची मांजर देखील आहे.
किरण राव (Kiran Rao )यांनी 17 फेब्रुवारी रोजी हसत असलेला फोटो इंस्टाग्रामवर शेअर केला आहे. यामध्ये तिची पाळीव मांजर देखील आहे. फोटोसोबत तिने एक संदेश हि लिहिले आहे, मित्रांनो ठीक आहे, आता चिकनगुनिया झाला आहे आणि माझ्याकडे एक अद्भुत पॅरामेडिक आहे, जो तापावर लक्ष ठेवून आहे,.
एका स्टोरीमध्ये, किरणने तिच्या बरे होण्याच्या प्रवासाबद्दल सांगितले आहे, हळूहळू माझ्या मित्रांकडून आलेले कार्ड वाचत आहे आणि माझे पुस्तक पूर्ण करत आहे.परंतु मला सांधेदुखीचा तीव्र त्रास होत आहे. सर्व खबरदारी घ्या.” चिकनगुनिया हा डास चावल्यामुळे होणारा विषाणूजन्य संसर्ग आहे. त्यामुळे उच्च ताप आणि सांधेदुखी होते. हा संसर्ग सहसा डास चावल्यानंतर 3-7 दिवसांनी दिसून येतो.
किरणने 2011 मध्ये “धोबी घाट” या चित्रपटाद्वारे दिग्दर्शनात पदार्पण केले. यापूर्वी तिने “पीपली लाईव्ह” आणि “डेल्ही बेली” सारखे चित्रपट तयार केले होते. दिग्दर्शनात पदार्पण केल्यानंतर, चित्रपट निर्मात्याने दंगल, तलाश, सिक्रेट सुपरस्टार आणि सितारे जमीन पर सारखे हिट चित्रपट दिले. 2024 मध्ये किरण राव “मिसिंग लेडीज” या चित्रपटातून दिग्दर्शनात परतली.
किरण आता तिचा आगामी चित्रपट “लस्ट स्टोरीज 3” च्या प्रदर्शनाची वाट पाहत आहे, ज्यामध्ये राधिका आपटे, कोंकणा सेन शर्मा, अली फजल, राधिका मदन, अदिती राव हैदरी, विजय वर्मा, अभिषेक बॅनर्जी आणि सिद्धार्थ यांच्या भूमिका आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
अभिनेता सिद्धार्थ मल्होत्राच्या वडिलांचे निधन, झोपेतच जगाचा घेतला निरोप
