निर्मल पांडे हे एक उत्तम अभिनेते होते. त्यानी त्याच्या अभिनयामधुन प्रेक्षकांच्या मनात स्थान निर्माण केले, तर या अभिनेत्याने भारतीय चित्रपटसृष्टीच्या इतिहासात, अनेक अभिनेत्रींनी आंतरराष्ट्रीय मंचांवर ‘सर्वोत्कृष्ट अभिनेत्री’चे पुरस्कार जिंकून देशाला गौरव मिळवून दिला आहे. मात्र, या यादीत एक अत्यंत उल्लेखनीय नाव आहे, ते म्हणजे एका पुरुष अभिनेत्याचे, ज्याने हा दुर्मिळ सन्मान मिळवला आहे. दिवंगत निर्मल पांडे यांनी एका तृतीयपंथी व्यक्तीची भूमिका इतक्या सखोलतेने आणि प्रामाणिकपणे साकारली की, त्यांना एका आंतरराष्ट्रीय चित्रपट महोत्सवात ‘सर्वोत्कृष्ट अभिनेत्री’चा पुरस्कार देऊन सन्मानित करण्यात आले.
निर्मल पांडे यांना ही असाधारण कामगिरी ‘दायरा’ चित्रपटाद्वारे साध्य झाली, तर हा चित्रपट 1996 मध्ये प्रदर्शित झाला होता. या चित्रपटाचे दिग्दर्शिक अमोल पालेकर हे होते. या चित्रपटात, पांडे यांनी एका तृतीयपंथी व्यक्तीची भूमिका साकारली होती, जिचे लैंगिक शोषणातून वाचलेल्या एका महिलेवर प्रेम जडते. त्यांचा हा संवेदनशील आणि दमदार अभिनय चित्रपटसृष्टीतील लिंग-चित्रणाच्या पारंपारिक सीमा भेदणारा ठरला. 1997 मध्ये, फ्रान्समधील ‘व्हॅलेन्सिएन्स चित्रपट महोत्सवात’ पांडे यांना त्यांची सह-अभिनेत्री सोनाली कुलकर्णी यांच्यासोबत संयुक्तपणे ‘सर्वोत्कृष्ट अभिनेत्री’चा पुरस्कार प्रदान करण्यात आला.
निर्मल पांडे (panday)यांचा जन्म 1962 मध्ये झाला होता. ते ‘नॅशनल स्कूल ऑफ ड्रामा’ मध्ये शिक्षण घेतले होते. ‘बँडिट क्वीन’ हा त्याचा पहिला चित्रपट होता. त्यानंतर ‘गॉडमदर’ व ‘प्यार किया तो डरना क्या’ यांसारख्या चित्रपटांमध्ये अविस्मरणीय भूमिका साकारल्या. त्यानंतर अनेक उत्तम चित्रपट केले. विशेषतः ‘दायरा’ चित्रपटातील त्यांची क्रांतीकारी भूमिका प्रेक्षकांना जास्त भावली. दुर्दैवाने, वयाच्या 47 व्या वर्षी, 2010 मध्ये त्यांचे निधन झाले.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
‘महाभारत’मधील क्यूट बाल बलराम आठवतोय? 38 वर्षांत बदलली नशीबाची दिशा, आता काय करतो घ्या जाणून
