छोट्या पडद्यावरील लोकप्रिय रियॅलिटी शो बिग बॉस लवकरच सुरु होणार आहे. बिग बॉसचा हा १४वा सिझन आहे. कोरोना व्हायरसमुळे बिग बॉसचा हा सिझन होतो की नाही यावर मोठे प्रश्नचिन्ह उभे राहिले होते. परंतू हा लोकप्रिय शो त्याच्या दरवर्षीच्या वेळापत्रकाप्रमाणेचे सुरु होत आहे. दर्शकही याची मोठ्या आतुरतेने वाट पाहात आहेत.
नेहमीप्रमाणेच या सिझनही बिग बॉसचे घर एक अलिशान बंगल्याप्रमाणेच आहे. याचे काही फोटो सध्या सोशल मीडियावर व्हायरल होत आहेत. यातून स्पष्ट दिसतेय की बिग बॉसचे घर आतून नक्की कसे आहे. तसेच स्पर्धकांसाठी यात करण्यात आलेली व्यवस्थाही फोटोंमध्ये दिसत आहे.
बिग बॉसच्या घराचे डिझाईन उमंग कुमार यांनी केले आहे. यावेळीची थीम ही भविष्याला विचारात घेऊन करण्यात आली आहे. यावेळी घरात पहिल्यांदा रेंस्टांरट, थिअटर, स्पा व मॉल देखील करण्यात आला आहे. अगदी बाथरुम विभागातही स्पर्धाकांना कोणतीही अडचण येणार नाही याची पुर्ण काळजी घेण्यात आली आहे.
मॉल हा खास स्पर्धकांसाठी तयार करण्यात आला असून ते येथून वेगवेगळ्या वस्तू खरेदी करु शकतात. परंतू यासाठी त्यांना स्पर्धेत काही टास्क जिंकाव्या लागतील. यावेळीचा बेडरुम विभाग हा अतिशय रंगीबेरंगी केला असून सर्व बेड हे डबल साईजचे आहेत. येथे अनेक रंगांची मुक्त उधळण करण्यात आली आहे.
बिग बॉसच्या घरात प्रवेश कऱण्याचा रस्ताही खास आहे. त्यात फ्युचर इज हेअर असा बोर्ड लावण्यात आला आहे. बेडरुमशिवाय येथे कॅप्टन रुम देखील आहे. आठवड्यात कॅप्टन ठरलेला व्यक्ती येथे राहणार आहे. बिग बॉससमोर कन्फेशन करण्यासाठीची कन्फेशन रुमही यावेळी अतिशय सुंदर करण्यात आली आहे. किचनच्या शेजारीच अलिशान असा डायनिंग विभाग तयार करण्यात आला आहे. नेहमीप्रमाणे याही वेळी घरात एक सुंदर गार्डन तयार करण्यात आले आहे.
