बॉलिवूडची जंगली मांजर म्हटली जाणारी अभिनेत्री प्रियांका चोप्रा निक जोनाससोबत लग्न करून परदेशात गेली आहे. पण आजही ती आपल्या देशाची सभ्यता आणि संस्कृती विसरलेली नाही. अभिनेत्रीला जेव्हा जेव्हा संधी मिळते तेव्हा तिला आपल्या देशाची नक्कीच आठवण येते. प्रियांकाने लॉस एंजेलिसमध्ये तिचे स्वतःचे देशी रेस्टॉरंट उघडले असून, त्याचे नाव तिने ‘सोना’ ठेवले आहे. अभिनेत्रींच्या या रेस्टॉरंटमध्ये अनेक प्रकारच्या देशी खाद्यपदार्थांची चर्चा आहे. अभिनेत्री स्वतः तिच्या रेस्टॉरंटमध्ये जाऊन नवीन पदार्थांचा आनंद घेते. अलीकडे, तिने तिच्या हलक्या नाश्त्याची एक झलक शेअर केली. ज्यामुळे अभिनेत्रीला तिच्या मुंबईतील घराची आठवण झाली.
प्रियांका (Priyanka Chopra) सध्या तिचा पती निक जोनास (Nick Jonas) आणि मुलीसोबत लॉस एंजेलिसमध्ये राहते. प्रियांकाने तिच्या इंस्टाग्राम स्टोरीजवर तिच्या नाश्त्याचा एक फोटो शेअर केला आणि ते तिला तिच्या देशात कसे परत नेले हे सांगितले. फोटो पाहता तिने भारतीय रेस्टॉरंटमधून जेवण ऑर्डर केल्याचे दिसते. फोटो शेअर करताना प्रियांकाने लिहिले की, “ला मधील पोहे जे मला मुंबईला परत घेऊन गेले.”
प्रियांकाला भारतीय जेवण आवडते, विशेषतः लोणचे आणि करी. त्यांचे न्यूयॉर्कमध्ये ‘सोना’ नावाचे स्वतःचे रेस्टॉरंटही आहे. तिने गेल्यावर्षी तिचे रेस्टॉरंट सुरू केले. तेथे राहून ती तेथील लोकांना भारतीय स्वादाचा आणि चवीचा आस्वाद देत आहे. प्रियांका भारत आणि तिच्या संस्कृतीशी निगडीत आहे. नुकतीच त्यांनी त्यांच्या लॉस एंजेलिस येथील घरी महाशिवरात्रीला पूजा केली. तिच्या इंस्टाग्राम स्टोरीजवर शेअर केलेल्या फोटोंमध्ये अभिनेत्री आणि तिचा नवरा त्यांच्या छोट्या मंदिरात भगवान शिवाच्या मूर्तीसमोर बसलेले दिसले.
एकदा प्रियांकाने तिच्या रेस्टॉरंटमधील ब्रेड पकोड्यांचा फोटो शेअर केला आणि तिच्या देसी खाद्यपदार्थाच्या छंदाबद्दल सांगितले. अभिनेत्रीने शेअर केलेल्या फोटोमध्ये ब्रेट पकोडा खूपच चविष्ट दिसत होता. याशिवाय अभिनेत्रीला अनेक देसी खाद्यपदार्थ आवडतात. ज्यांचे फोटो ती तिच्या सोशल मीडियावर अनेकदा शेअर करत असते.
वर्कफ्रंटबद्दल बोलायचे झाले, तर प्रियांका ॲमेझॉन प्राइमच्या ‘सिटाडेल’ या सीरिजसाठी शूटिंग करत आहे. ही अभिनेत्री ‘द मॅट्रिक्स ४’मध्ये दिसली होती आणि ‘टेक्स्ट फॉर यू’मध्येही ती महत्त्वाची भूमिका साकारणार आहे. प्रियांका शेवटची केनू रीव्ह्स अभिनित ‘द मॅट्रिक्स रिॲक्शन्स’ मध्ये दिसली होती. या चित्रपटात कॅरी- ॲनी मॉस आणि जाडा पिंकेट स्मिथ यांनीही भूमिका केल्या होत्या.
हेही वाचा –
