पोटगी आहे की चेष्टा! अरबाज खानने घटस्फोटानंतर मलायका अरोराला दिले होते तब्बल ‘इतकेे’ कोटी

बॉलिवूडमध्येे ‘घटस्फोट’ झाल्याचे आपल्याला अनेकदा ऐकायला किंवा पाहायला मिळते. यातील काही कलाकार जोडप्यांचे नाते ५०- ६० वर्षे टिकतात, तर काही नाते अवघ्या १-२ वर्षात संपुष्टात येतात. यातील एक नाते म्हणजे प्रसिद्ध अभिनेत्री मलायका अरोरा आणि अरबाज खान यांचे नाते होय. या जोडीची गणना बॉलिवूडच्या सर्वोत्तम जोडींमध्ये व्हायची. परंतु काही कारणास्तव त्यांनी दूर होण्याचा निर्णय घेतला होता. आज या लेखातून त्यांच्या घटस्फोटाबद्दल आपण जाणून घेणार आहोत. चला तर मग सुरुवात करूया…

मलायका आणि अरबाज खान यांचे लग्न सन १९९८ मध्ये झाले होते. तब्बल १८ वर्षे त्यांनी आपल्या संसाराचा गाडा ओढला. परंतु सन २०१६ मध्ये त्यांनी एकमेकांच्या संमतीने घटस्फोटाची घोषणा केली होती. यानंतर त्यांना सन २०१७ मध्ये न्यायालयाने घटस्फोटाची मंजूरी दिली होती. त्यांच्या घटस्फोटानंतर मुलगा अरहानची कस्टडी मलायकाकडे सोपवण्यात आली होती.

घटस्फोटानंतर अरबाजने मलायकाला किती पोटगी दिली होती?, याबाबत अनेक वृत्त समोर आले होते. माध्यमांतील वृत्तांनुसार, मलायकाने अरबाजकडून घटस्फोटाच्या बदल्यात १० कोटी रुपयांची मागणी केली होती. तिला यापेक्षा कमी रुपये नको होते, त्यामुळे अरबाजने तिला तब्बल १५ कोटी रुपये पोटगी म्हणून दिले होते.