कमी वेळेत काहीतरी चांगलं पाहण्यासाठी एक चांगला पर्याय म्हणजे शॉर्टफिल्म्स. त्यात त्या जर आपल्याला फुकटात पाहायला मिळत असतील तर अजून काय हव? या आहेत यूट्यूब वरील काही अशा शॉर्टफिल्मस ज्या तुमच्या फ्री वेळेत नक्की पाहा.
नीतिशास्त्र
या शॉर्टफिल्ममध्ये तापसी पन्नू एका स्वसंरक्षण प्रशिक्षकाच्या भूमिकेत आहे, जिचे ध्येय मुलींना प्रशिक्षण देऊन त्यांना जगाचा सामना करताना स्वतःचे संरक्षण करण्यासाठी सुसज्ज करणे आहे. एक दिवशी ती एका मुलीला तिच्या भावासोबत घरी पाठवते, जो ब्लॅक बेल्टधारक असतो. दुसऱ्या दिवशी त्या मुलीवर बलात्कार झाल्याचं कळतं. आणि या सगळ्यानंतर संपूर्ण कथा बदलते, जी पाहण्यासारखी आहे. या शॉर्ट फिल्मसाठी तापसीला सर्वोत्कृष्ट अभिनेत्रीचा पुरस्कारही मिळाला आहे.
टेंन्थ रेस
सेक्रेड गेम्स आणि मिर्झापूरचा नवा सीझन आलेला नसल्यामुळे तुम्ही डिजिटल प्लॅटफॉर्मवर पंकज त्रिपाठीला मिस करत असाल. टेंन्थ रेस नावाची ही शॉर्टफिल्म पाहून त्यांची अनुपस्थिती तुम्ही नक्कीच भरून काढाल. ही थरारक शॉर्टफिल्म चार पुरुषांची कथा सांगते जे गुन्हा करण्यासाठी एकत्र येतात. ते यशस्वी होतात कि अयशस्वी? हे जाणून घेण्यासाठी तुम्हाला आधी शॉर्टफिल्म पहावी लागेल.
खुजली
जॅकी श्रॉफ आणि नीना गुप्ता अभिनीत ही शॉर्टफिल्म. यात जॅकी श्रॉफ एका सामान्य माणसाच्या भूमिकेत आहे ज्याला खाज येण्याची समस्या असते आणि त्यामुळे तो खूप नाराज असतो. २०१८ च्या फिल्मफेअरचा सर्वोत्कृष्ट शॉर्टफिल्म पुरस्कार देखिल या शॉर्टफिल्मला मिळाला आहे.
द स्कूल बॅग
सन २०१७ साली प्रदर्शित झालेल्या यूट्यूब वरील सर्व शॉर्टफिल्म्स पैकी, ही शॉर्टफिल्म निश्चितपणे तुमच्या डोळ्यात अश्रू आणेल. एक आई आपल्या मुलाची इच्छा पूर्ण करण्यासाठी कशी सर्व स्तरांवर जाते हे यात दाखवण्यात आले आहे.
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
ब्युटी क्वीन! त्रिशा कृष्णनच्या सौंदर्याला पाहुण चाहत्यांना पडली भुरळ
पहिल्यांदा बेबी बंप फ्लॉन्ट करताना दिसली गौहर खान, पोस्ट केला ब्युटीफुल फोटो
