Saturday, March 2, 2024

पहिल्यांदाच अंकिता-सुशांतच्या नात्यावर बोलला विकी जैन; म्हणाला, ‘तुझ्या अफेअरचे परिणाम मला भोगावे लागले…’

सलमान खानचा (salman khan) सर्वात लोकप्रिय रिअॅलिटी शो बिग बॉस 17 मध्ये रोज नवनवीन ड्रामा पाहायला मिळत आहेत. जसजसा फिनाले जवळ येत आहे तसतसा हा शो अधिक रंजक होत आहे. या आठवड्यात करण जोहरने वीकेंड का वार होस्ट केले. यावेळी त्यांनी काही स्पर्धकांना खडे बोल सुनावले. या यादीत अंकिता लोखंडेचा (Ankita Lokhande)पती विकी जैन याचेही नाव आहे.

करणने विकीवर अनेक प्रश्न उपस्थित केले. तो म्हणाला की, जेव्हा तुझी आई अंकिताला टीव्हीवर बोलत होती, तेव्हा तू तुझ्या पत्नीची बाजू का घेतली नाहीस? त्यावेळी विकी आणि करण जोहरने याबाबत माफी मागितली होती. पण करणच्या जाण्यानंतर विकीही गप्प बसला नाही. याबाबत त्याने अंकिताशी बोलून आपला राग काढला.

तो अंकिताला म्हणतो, “माझ्या घरच्यांनी तुला कधी काही थांबवलं का किंवा तुझ्या पोशाखाबद्दल काही बोललं का? लग्नानंतर 10 दिवसही तू माझ्या कुटुंबासोबत राहिली नाहीस. यावर त्यांनी कोणताही आक्षेप व्यक्त केला नाही.”

विकीने अंकिताचा एक्स बॉयफ्रेंड सुशांत सिंग राजपूतचाही उल्लेख केला. तो म्हणतो, “मी तुझ्या कुटुंबासोबत राहायला आलो, तेव्हा मी श्रीमंत जावईसारखा राहिलो की मुलासारखा? मी नेहमीच तुमच्या कुटुंबासाठी उभा राहिलो.”

विकी पुढे म्हणाला की, “जेव्हा मी तुझ्या आयुष्यात आलो तेव्हा सुशांत आणि तुझ्या नात्याची सगळीकडे चर्चा होती. त्या सर्व गोष्टींचे परिणाम मला भोगावे लागले. मी पण ते सर्व स्वतःवर घेतले. जेव्हा तुला माझ्याशी एवढा त्रास होतोय तर तू माझ्याशी लग्न का केलेस? माझ्याशी लग्न करण्याचा निर्णय तुझा होता. विकीचे बोलणे ऐकून अंकिताने पुन्हा पतीला सॉरी म्हटले. यावर विकी त्याला सांगतो की सॉरीने गोष्टी दुरुस्त होत नाहीत.” अशाप्रकारे सध्या त्यांच्यात वाद चालू आहेत.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

अखेर प्रतीक्षा संपली! फायटर चित्रपटाचा उत्साहवर्धक ट्रेलर रिलीझ, पाहून तुम्हीही द्याल ‘जय हिंद’चा नारा
प्रभासच्या चाहत्यांसाठी आनंदवार्ता! आगामी नवीन चित्रपटाचा पहिला पोस्टर रिलीझ

हे देखील वाचा