टेलिव्हिजनवरील सर्वात लोकप्रिय कार्यक्रम म्हणून सलमान खानच्या (Salman Khan) ‘बिग बॉस’ या कार्यक्रमाचे नाव घेतले जाते. आजपर्यंत या कार्यक्रमाचे तब्बल १५ सीझन तुफान लोकप्रिय ठरले आहेत. वाद, राडा आणि विजेतेपदासाठीची स्पर्धा यांमुळे हा कार्यक्रम नेहमीच प्रेक्षकांच्या आकर्षणाचे केंद्रबिंदू ठरला आहे. सध्या या कार्यक्रमाच्या नवीन सीझनची प्रेक्षकांना चांगलीच उत्सुकता लागली आहे. या कार्यक्रमासाठी अनेक कलाकारांनी नकार दिल्याचेही वृत्त समोर आले आहे.
याबाबत संपूर्ण माहिती अशी की, अर्जुन बिजलानी, शिवांगी जोशी आणि इतर काही जणांनी हा शो नाकारल्याचे बोलले जात असले तरी अंकिता लोखंडे, दिशा परमार यांसारखी नवीन नावे अजूनही चर्चेत आहेत. शो सुरू होण्यापूर्वी प्रत्येक सोशल मीडियावर अनेक नावांची चर्चा होते. अशा स्थितीत यंदाही अशीच काही नावे पुढे आली आहेत. चला तर मग जाणून घेऊया यावर्षी शोमध्ये सहभागी होणाऱ्या स्पर्धकांच्या संभाव्य नावांबद्दल-
दिशा परमार – बिग बॉस 14 च्या या शोचा राहुल वैद्यला खूप फायदा झाला. या शोने त्याचे करिअर बदलले. अशा परिस्थितीत आता शोच्या निर्मात्यांनी राहुलनंतर त्याची पत्नी आणि अभिनेत्री दिशा परमारशी संपर्क साधला आहे. पण ती या शोमध्ये सहभागी होणार की नाही हे येणारा काळच सांगेल.
विवियन डीसेना – ‘प्यार की ये एक कहानी’ या चित्रपटातून लोकप्रिय झालेला अभिनेता विवियन डिसेनाही यावर्षी या शोमध्ये दिसणार आहे सिर्फ तुम या मालिकेत शेवटचा दिसणारा विवियन डिसेना या शोच्या या सीझनचा भाग असेल का हे पाहणे उत्सुकतेचे ठरेल.
मोहित सहगल – मिली जब हम तुम से अभिनेता मोहित सहगल, जो लोकांमध्ये लोकप्रिय झाला होता, तो त्याच्या चॉकलेट बॉय इमेजसाठी खूप प्रसिद्ध होता. मात्र, या शोनंतर तो लाइमलाइटपासून दूर होता. तो शेवटचा नागिन 4 मध्ये दिसला होता. मोहित व्यतिरिक्त सनाया इराणीलाही बिग बॉस 16 साठी संपर्क साधण्यात आला आहे. अशा परिस्थितीत ही जोडी रुबिना दिलीक आणि अभिनव शुक्ला यांच्या मार्गावर जाणार का, हे पाहावे लागेल.
प्राची देसाई- छोट्या पडद्यापासून आपल्या अभिनय कारकिर्दीला सुरुवात करणारी प्राची देसाई बॉलीवूडमध्येही एक प्रसिद्ध नाव बनली आहे. मोठ्या पडद्यापाठोपाठ अनेक वेब सीरिजचाही भाग असलेली प्राची, सलमान खानच्या वादग्रस्त रिएलिटी शोचा भाग बनण्यासाठी टीव्हीवर परतणार का असा प्रश्न तिच्या चाहत्यांनाही पडला आहे.
हेही वाचा –
‘मला कोणाचेही हृदय तोडायचे नाही,’ …म्हणून विजय देवरकोंडा करत नाही त्याच्या प्रेमाची घोषणा
‘मला भारत आवडत नाही?’ सोशल मीडियावरील बॉयकॉट ‘लालसिंग चड्ढा’च्या मोहिमेमुळे दुखावला आमिर खान
ब्रेकिंग! ‘या’ प्रसिद्ध गायिकेचे निधन, कुटुंबियांंनी केली हळहळ व्यक्त
