बॉलिवूड इंडस्ट्रीत अनेक मोठमोठे नावाजलेले प्रोडक्शन हाऊस आहेत. ज्यांनी बॉलिवूड जगताला एकापेक्षा एक सुपरहिट चित्रपट दिले आहे. बॉलिवूडमधील सर्वात जुन्या प्रोडक्शन हाऊसपैकी एक असलेल्या पूजा एन्टरटेन्मेंटने शनिवारी (५ फेब्रुवारी) सिनेजगतात २७ वर्षे पूर्ण केली आहेत. या निमित्ताने पूजा एंटरटेनमेंटने आतापर्यंतचा प्रवास सोशल मीडियावर शेअर केला आहे. प्रॉडक्शन हाऊस पूजा एंटरटेनमेंटने १९९५ मध्ये ‘कुली नंबर १’ या चित्रपटाने आपला प्रवास सुरू केला जो हिट ठरला होता.
यानंतर गोविंदा (Govinda) आणि सेंच्युरी मेगास्टार अमिताभ बच्चन (Amitabh Bachchan) यांचा ‘छोटे मियाँ बडे मियाँ’ हा चित्रपटही पूजा एंटरटेनमेंट प्रोडक्शन अंतर्गत बनवला गेला. यानंतर या प्रॉडक्शन हाऊसमधून अनेक चित्रपट तयार झाले जे हिट ठरले. तिचा प्रवास शेअर करण्यासोबतच, पूजा एंटरटेनमेंटने रविवारी (६ फेब्रुवारी) एक मोठी घोषणा करण्याचे संकेतही दिले आहेत.
चित्रपट प्रवासाचा व्हिडिओ शेअर करत पूजा एंटरटेनमेंटने लिहिले की, “हे सर्व १९९५ मध्ये सुरू झाले, जेव्हा बॉलिवूडचे दरवाजे ज्याला आपण घर म्हणतो ते आमच्यासाठी उघडले! त्यावेळी आम्ही किती दूर जाऊ हे माहित नव्हते आणि आता आम्ही अभिमानाने सांगत आहोत. पूजा एंटरटेनमेंटला २७ वर्षे पूर्ण झाली! तुमच्याशिवाय हा प्रवास शक्य नाही! काल, आज आणि उद्यासाठी धन्यवाद! उद्या दुपारी १२:३० वाजता, रविवारी आमच्या मोठ्या घोषणेसाठी संपर्कात रहा.”
बॉलिवूडला दिले अनेक हिट चित्रपट
पूजा एंटरटेनमेंट प्रॉडक्शन हाऊसची स्थापना १९९५ मध्ये वाशू भगनानी यांनी केली होती. पूजा एंटरटेनमेंट कंपनी ‘कुली नंबर १’, ‘बीवी नंबर १’, ‘रंगरेज’, ‘शादी नंबर १’ आणि ‘जवानी जानेमन’ यांसारख्या चित्रपटांसाठी ओळखली जाते. त्याचबरोबर आता पूजा एंटरटेनमेंट रविवारी (६ फेब्रुवारी) कोणती मोठी घोषणा करणार आहे याकडे प्रेक्षकांचे लक्ष लागले आहे.
हेही वाचा :
