बापरे! ‘मम्मी मी घटस्फोटित आहे…’, वयाच्या चौथ्या वर्षी लेकीने असे म्हणताच हादरली होती लारा दत्ता


बॉलिवूड अभिनेत्री लारा दत्ता (Lara Dutta) सध्या तिच्या आगामी लायन्सगेट सीरिज ‘हिकअप्स अँड हुकअप्स’च्या प्रमोशनमध्ये व्यस्त आहे. दरम्यान, अभिनेत्रीने तिची चार वर्षांची मुलगी सायराबाबत एक धक्कादायक खुलासा केला आहे. तिच्या खुलाशांमध्ये लाराने सांगितले आहे की, घटस्फोट म्हणजे काय हे तिच्या मुलीला इतक्या लहान वयातच माहित होते. ‘फ्रेंड्स’ हा प्रसिद्ध शो पाहताना तिचा पती महेश भूपतीने सायराला घटस्फोटाचा अर्थ शिकवल्याचा खुलासाही लाराने केला. ‘फ्रेंड्स’ हा शो तिच्या मुलीचा आणि नवऱ्याचा आवडता शो आहे. लारा आणि महेश यांचे २०११ मध्ये लग्न झाले होते. २०१२ मध्ये दोघांनी मुलगी सायराचे स्वागत केले. आज सायरा ९ वर्षांची झाली आहे.

मुलीबद्दल ऐकून वाटले आश्चर्य
माध्यमांशी बोलताना लाराने खुलासा केला की, “महेशचा आवडता शो ‘फ्रेंड्स’ आहे आणि सायरा फक्त चार वर्षांची असल्यापासून ती तिच्या वडिलांसोबत शो पाहत होती.” लारा पुढे सांगते की, “एक दिवस सायरा माझ्याकडे आली आणि एक गेम खेळत असताना मला म्हणाली की, आई मी इथे राहते, हे माझे घर आहे. ते तुझे घर आहे आणि माझा घटस्फोट झाला आहे. हे ऐकून मला जवळजवळ हृदयविकाराचा झटका आला. तिचे बोलणे ऐकून मी अवाक झाले आणि मी तिला विचारले, काय बोलतेयस? तुला हे कोणी सांगितले? घटस्फोट म्हणजे काय? तेव्हा ती मला म्हणाली, अग, जेव्हा दोन लोकांचे वैवाहिक जीवन वाईट असते आणि ते जुळत नाहीत, तेव्हा ते वेगळे राहू लागतात. याचा अर्थ त्यांचा घटस्फोट होतो. ती पाच वर्षांची होणार होती आणि तिच्या तोंडून या गोष्टी ऐकून मला धक्काच बसला. मी माझ्या मुलीला विचारले की, तिला याबद्दल कोणी सांगितले आणि सायरा म्हणाली, डॅडीने.”

महेश भूपतीला केला फोन
लारा पुढे सांगते की, तिने महेशला फोन करून मुलीच्या बोलण्याची पुष्टी केली आणि त्याला विचारले की, त्याने इतक्या लहान वयात या गोष्टी का सांगितल्या. यावर महेश हसला आणि म्हणाला, “आम्ही ‘फ्रेंड्स’ एकत्र पाहत होतो आणि सायराला जाणून घ्यायचे होते की, रॉसने तीन लग्न का केले?” लारा म्हणाली की, “म्हणून तू तिला सांगितलेस घटस्फोटाचा अर्थ काय? आपण असे पालक आहोत.”

लारा दत्ताच्या नुकत्याच प्रदर्शित झालेल्या वेबसीरिजमध्ये प्रतीक बब्बरही मुख्य भूमिकेत दिसत आहे. लाराच्या या सीरिजला प्रेक्षकांचे भरभरून प्रेम मिळत आहे. ही वेबसीरीज खूप चर्चेत आली आहे.

दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…

हेही नक्की वाचा-

-‘जय गंगाजल’च्या ‘त्या’ सीननंतर ढसाढसा रडू लागली होती प्रियांका चोप्रा, मग अभिनेत्याने…

-बोनी कपूर यांची इंस्टाग्रामवर एन्ट्री, मुलांवर लक्ष ठेवण्यासाठी इंस्टावर आल्याचे अर्जुन कपूरने म्हणणे

-पोलिस म्हणून सलमान खानला आवडते ‘ही’ खास व्यक्ती; अभिनेत्याने सांगितले काही किस्से


Latest Post

error: Content is protected !!