अभिनेता इरफान खानने आपल्या अभिनय कारकिर्दीत उत्कृष्ट चित्रपट केले होते. एक अनुभवी कलाकार म्हणून तो आजही प्रेक्षकांच्या स्मरणात आहे. इरफानचा मुलगा बाबिलनेही अभिनयाचा मार्ग स्वीकारला आहे. त्याने आत्तापर्यंत काही चित्रपटांमध्ये मुख्य आणि सहाय्यक भूमिका केल्या आहेत. बाबिलच्या कामाचे समीक्षकांनीही कौतुक केले आहे. तसंच त्याची सतत त्याच्या वडिलांच्या अभिनयाशी तुलना केली जात आहे. याचा परिणाम बाबिलच्या मानसिक आरोग्यावर होत आहे. अलीकडेच बाबिलच्या आईने सांगितले की, या तुलनेमुळे तो जवळजवळ डिप्रेशनचा बळी झाला आहे.
नुकत्याच दिलेल्या एका मुलाखतीत बाबिलची आई आणि इरफान खानची पत्नी सुतापा हिने सांगितले की, इरफानचे जाणे कुटुंबाला मानवले नाही. ती म्हणते, ‘बाबिलवर खूप दबाव आहे, ते मला योग्य वाटत नाही. हे फक्त कामाबद्दल नाही तर वडील गमावण्याबद्दल देखील आहे. बाबिल जवळजवळ डिप्रेशनमध्ये आहे.
सुतापा पुढे म्हणतात, ‘बाबिलवर नेहमीच तणाव आणि दबाव असतो. एक आई म्हणून मला वाटते की मी लोकांना माझ्या मुलाला सोडून जाण्यास सांगावे.’ सुतापा पुढे सांगते की, बाबिल मानसिकदृष्ट्या खूप कमकुवत आहे, तो लढाऊ नाही.
वडील इरफान गमावल्यानंतर बाबीलचा एकमेव आधार म्हणजे त्याची आई सुतापा. ती अनेकदा आपल्या मुलाला सपोर्ट करताना दिसते. दोघेही एकत्र परदेश दौऱ्यावर जातात आणि एकत्र वेळ घालवतात. बाबिल त्याच्या मनातली प्रत्येक गोष्ट आईसोबत शेअर करतो.
बाबिलला त्याच्या वडिलांशी तुलना केल्याने त्रास झाला आहे, परंतु हे देखील खरे आहे की त्याच्याकडे देखील त्याच्या वडिलांसारखेच अभिनयाचे गुण आहेत. ‘कला’ आणि ‘द रेल्वे मॅन’ या चित्रपटांमधील बाबिलच्या अभिनयाचे खूप कौतुक झाले. मीडिया रिपोर्ट्सनुसार, बाबिल लवकरच हिट तेलुगू चित्रपट ‘बेबी’च्या हिंदी रिमेकमध्ये दिसणार आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
भागम भाग २ मध्ये नसणार गोविंदा ? अभिनेता म्हणतो मला अशी कुठलीही ऑफर आलेली नाही…
