नात्यांचा आणि आयुष्याचा नवा अर्थ शिकवणारा चित्रपट ‘जर्नी‘ लवकरच प्रेक्षकांच्या भेटीला येणार आहे. या चित्रपटाचे पोस्टर नुकतेच समोर आले आहे. सचिन दाभाडे फिल्म प्रस्तुत, सचिन जीवनराव दाभाडे निर्मित, दिग्दर्शित ‘जर्नी’ चित्रपट येत्या सप्टेंबरमध्ये प्रेक्षकांच्या भेटीला येणार आहे. नुकतेच या चित्रपटाचे पोस्टर सोशल मीडियावर झळकले आहे. हे पोस्टर चांगलेच व्हायरल होत आहे.
‘जर्नी’ (Journey ) चित्रपटामध्ये शुभम मोरे, माही बुटाला, निखिल राठोड हे बालकलाकार प्रमुख भूमिकेत झळकणार आहेत. याव्यतिरिक्त या चित्रपटात शंतनू मोघे, शर्वरी जेमेनीस, अंजली उजवणे, योगेश सोमण, ओमकार गोवर्धन, सुनील गोडबोले, मिलिंद दास्ताने प्रशांत तपस्वी यांच्याही मुख्य व्यक्तिरेखा आहेत. रवींद्र मठाधिकारी लिखित या चित्रपटाची कथा सचिन दाभाडे यांची आहे. तर भास्कर देवेंग्रेकर, तानाजी माने, संतोष राठोड, अनिकेत अरविंद बुटाला सहनिर्माते आहेत.
कोणताही प्रवास आपल्याला खूप काही शिकवून जातो. मग तो पर्यटनासाठीचा असो अथवा आयुष्यासाठीचा असुद्या. या प्रवासात अनेक चढउतार येत जातात. अनेक गोष्टींचे महत्व आपल्याला या दरम्यान समजते. आयुष्याच्या या प्रवासाचा अनुभव देणाऱ्या या चित्रपटाचे पोस्टर प्रेक्षकांच्या भेटीला आले आहे. या पोस्टरमध्ये एक लहान मुलगा पाठमोरा उभा दिसत आहे. त्याचा आयुष्यातील एक अविस्मरणीय प्रवास आपल्याला या चित्रपटात बघायला मिळणार आहे. त्याची ही ‘जर्नी’ त्याला कोणत्या वळणावर नेणार, हे लवकरच कळणार आहे. या चित्रपटाच्या वितरणाची धुरा बॅाक्स हिट मुव्हिजच्या अनुप जगदाळे आणि मोनालिसा बागल यांनी सांभाळली आहे.
दिग्दर्शक सचिन जीवनराव दाभाडे या चित्रपटाबद्दल बोलताना म्हणाले की, ”या चित्रपटात दाखवण्यात आलेली जर्नी म्हणजेच कुटुंबाशी, नात्यांशी आणि स्वतःशी असलेली एक लढाई आहे. या लढाईत अनेक भावना, गोष्टी उलगडताना बघायला मिळणार आहे. एका लहान मुलाच्या आयुष्यातील हा प्रवास असून प्रत्येक वयोगटातील प्रेक्षकांनी हा चित्रपट आवर्जून पाहावा.” असे म्हणत दाभाडे यांनी हा चित्रपट पाहण्याचे आव्हान देखील केले आहे. (Marathi movie ‘Journey’ soon to come fans meet poster goes viral)
अधिक वाचा-
–“मराठी चित्रपटसृष्टीला काही वर्षे गरज…” मधुराणी गोखलेचे ‘तो’ व्हिडिओ झाला व्हायरल
–पावसात आनंद लुटताना दिसले प्रिया बापट आणि उमेश कामत; चाहते म्हणाले, “तुमची जोडी…”
