बॉलिवूड सोडून हॉलिवूडमध्ये आपला ठसा उमटवणारी देसी गर्ल प्रियांका चोप्रा आता एका नव्या अवतारात दिसणार आहे. डिस्नेनेचरच्या आगामी ‘टायगर’ चित्रपटासाठी ग्लोबल आयकॉन प्रियंका तिचा आवाज देणार आहे. हा चित्रपट वाघांवर आधारित असून त्यात अंबर या तरुण वाघिणीची कथा दाखवण्यात आली आहे. या चित्रपटाबाबत प्रियांका म्हणाली, ‘प्रत्येक आईला या कथेशी जोडलेले वाटेल’.
या चित्रपटात ‘अंबर’ ही तरुण वाघीण भारतातील घनदाट जंगलात तिच्या पिल्लांची काळजी घेते. या चित्रपटात सामील होण्याबाबत प्रियांका म्हणाली, ‘हे माझ्यासाठी खूप खास आहे. माझ्या देशाची ही अद्भुत कहाणी पडद्यावर सांगणे माझ्यासाठी खूप खास आहे, मला सन्मान वाटतो.
या चित्रपटाबद्दल बोलताना प्रियांका म्हणाली, ‘मला नेहमीच वाघ आवडतात आणि मला त्यांच्याशी जोडले गेलेले वाटते. कारण मी त्याच्याप्रमाणेच माझ्या कुटुंबाचे रक्षण करते. चित्रपटातील ‘अंबर’चा प्रवास असा आहे की, प्रत्येक आई त्याच्याशी नाते जोडू शकेल.
हा चित्रपट पृथ्वी दिनानिमित्त म्हणजेच 22 एप्रिल 2024 रोजी प्रदर्शित होणार आहे. हा चित्रपट डिस्ने प्लस हॉटस्टारवर प्रदर्शित होईल. ‘टायगर’चे दिग्दर्शन मार्क लिनफिल्ड यांनी केले आहे. तसेच व्हेनेसा बर्लोविट्झ आणि रॉब सुलिव्हन या चित्रपटाचे सहदिग्दर्शक आहेत.
‘टायगर’ व्यतिरिक्त प्रियांका चोप्रा ‘द ब्लफ’ या हॉलिवूड चित्रपटात दिसणार आहे. या चित्रपटात ती कार्ल अर्बनसोबत स्क्रीन शेअर करताना दिसणार आहे. याशिवाय प्रियांका जॉन सीनासोबत ‘हेड ऑफ स्टेट’ आणि ‘सिटाडेल 2’मध्येही दिसणार आहे. बॉलिवूड चित्रपटांबद्दल बोलायचे झाले तर ती आलिया भट्ट आणि कतरिनासोबत ‘जी ले जरा’मधून पुनरागमन करणार आहे.
दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा
हेही वाचा-
करीना कपूर खान ‘क्रू’साठी खूप उत्साहित; म्हणाली, ‘मला नेहमीच तब्बूसोबत काम करायचे होते’
श्रीदेवीची आठवण काढत बोनी कपूर भावूक; म्हणाले, ‘वाईट काळात माझी पत्नी माझ्यासोबत उभी राहिली’
