‘पुष्पा: द राइज’च्या यशानंतर, दक्षिण अभिनेत्री रश्मिका मंदान्नाची (Rashmika Mandanna) लोकप्रियता सतत वाढत आहे. रश्मिकाला केवळ दक्षिणेतूनच नव्हे, तर बॉलिवूडमधूनही अनेक मोठ्या ऑफर्स मिळू लागल्या आहेत. रश्मिका लवकरच ‘मिशन मजनू’ या चित्रपटातून बॉलिवूडमध्ये पदार्पण करणार आहे. या चित्रपटात रश्मिकासोबत सिद्धार्थ मल्होत्रा (Sidharth Malhotra) दिसणार आहे. दरम्यान, रश्मिकाच्या हातात बॉलिवूडचा आणखी एक मोठा प्रोजेक्ट असल्याची बातमी येत आहे. ज्यामध्ये अभिनेत्री टायगर श्रॉफसोबत (Tiger Shroff) स्क्रीन शेअर करताना दिसणार आहे.
मिळालेल्या वृत्तानुसार, बॉलिवूड दिग्दर्शक शशांक खेतानने करण जोहरच्या (Karan Johar) धर्मा प्रॉडक्शनशी त्याच्या आगामी प्रोजेक्टपैकी एकासाठी हातमिळवणी केली आहे. रिपोर्टनुसार, करण जोहर आणि शशांक खेतानच्या या आगामी प्रोजेक्टमध्ये अभिनेता टायगर श्रॉफ मुख्य भूमिकेत दिसणार आहे, तर अशीही बातमी आहे की निर्मात्यांनी रश्मिका मंदान्नाला या चित्रपटात मुख्य भूमिकेसाठी कास्ट केले आहे. (rashmika mandanna bagged by another bollywood movies)
निर्मात्यांनी टायगर श्रॉफ आणि रश्मिका मंदान्ना यांना चित्रपटात नवीन जोडी म्हणून बोर्डात घेतले आहे. अशीही बातमी आहे की, निर्माते लवकरच या चित्रपटासाठी टायगर आणि रश्मिकाच्या जोडीची अधिकृत घोषणा करू शकतात.
सप्टेंबरमध्ये शूटिंग सुरू होईल
रिपोर्टनुसार, शशांक खेतानच्या दिग्दर्शनाखाली बनत असलेला हा चित्रपट एक ऍक्शन ड्रामा असेल, ज्याची शूटिंग सप्टेंबरपासून सुरू होणार आहे. या चित्रपटाचे शूटिंग भारताव्यतिरिक्त परदेशातही होणार असल्याचे वृत्त आहे.
वर्कफ्रंटबद्दल बोलायचे झाले, तर टायगर श्रॉफ सध्या त्याचा आगामी चित्रपट ‘गणपत पार्ट १’च्या शूटिंगमध्ये व्यस्त आहे. तर रश्मिका मंदान्ना ‘पुष्पा २’ व्यतिरिक्त ‘गुड बाय’ आणि ‘मिशन मजनू’च्या शूटिंगमध्ये व्यस्त आहे.
दैनिक बोंबाबोंबचा व्हाट्सअप ग्रूप जॉईन करण्यासाठी या लिंकवर क्लिक करा
हेही वाचा
