अल्फा या चित्रपटाची रिलीज तारीख ही अनिश्चित असल्यामुळे प्रेक्षक अनेक प्रश्नांवरून संभ्रमित होते मात्र हा चित्रपट लवकरच प्रेक्षकांच्या आता भेटीस येणार आहे. या चित्रपटामध्ये प्रमुख भूमिका ही आलिया भट्ट, शर्वरी वाघ, बॉबी देओल आणि अनिल कपूर यांच्या असणार आहेत. हा चित्रपट मूळतः 2025 मध्ये प्रदर्शित होणार होता, परंतु नंतर ही तारीख एप्रिल 2026 पर्यंत पुढे ढकलण्यात आली आणि नंतर पुन्हा पुढे ढकलण्यात आली.
मात्र निर्मात्यांनी आता या अफवा पूर्णपणे फेटाळून लावल्या आहेत. “अल्फा” च्या नवीन, अधिकृत थिएटर रिलीज तारखेची आता घोषणा केली आहे. हा चित्रपट आता 10 जुलै 2026 रोजी मोठ्या पडद्यावर येणार आहे. आलिया भट्टने स्वतः इंस्टाग्रामवर चित्रपटाचे एक शक्तिशाली नवीन पोस्टर शेअर केले आहे, “अल्फा 10.07.2026 थिएटरमध्ये भेटू.” ही पोस्ट पाहिल्यानंतर चाहते खूप उत्साहित झाले आहेत.
दिग्दर्शक शिव रवैल दिग्दर्शित हा चित्रपट YRF स्पाय विश्वातील पहिला महिला-प्रणीत गुप्तहेरीवर चित्रपट आहे, “वॉर 2” च्या पोस्ट-क्रेडिट सीनमध्ये बॉबी देओलच्या व्यक्तिरेखेची एक छोटीशी झलक पाहून चित्रपटाबद्दलची उत्सुकता आणखी वाढली. एका नवीन दृष्टिकोनासह आणि महिला गुप्तहेरांच्या धाडसी कथेसह, “अल्फा” मध्ये 2026 ची सर्वात मोठी ब्लॉकबस्टर होण्याची क्षमता आहे.
“जिग्रा” मध्ये शेवटची दिसलेली आलिया लवकरच रणबीर कपूर आणि विकी कौशलसोबत लव्ह अँड वॉरमध्ये दिसणार आहे. तिच्याकडे “ब्रह्मास्त्र” देखील पाइपलाइनमध्ये आहे. अनिल कपूरचा “सुभेदार” हा चित्रपट नुकताच OTT वर प्रदर्शित झाला. बॉबी (boby)देओल ‘अल्फा’, ‘जना नायकन’ आणि ‘बंदर’मध्ये दिसणार आहे. तर शर्वरीच्या भविष्यातील प्रकल्पांबद्दल कोणतीही विशिष्ट माहिती समोर आलेली नाही.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
