Thursday, March 28, 2024

ऋतिक रोशनकडून ‘विक्रम वेधा’च्या ऍक्शन टीमला खास गिफ्ट; आपली परंपरा ठेवली अबाधित

‘ग्रीक गॉड’ म्हणून प्रसिद्ध असलेला बॉलिवूड अभिनेता ऋतिक रोशन त्याच्या आगामी ‘विक्रम वेधा’ या चित्रपटाच्या शूटिंगमध्ये व्यस्त आहे. ऋतिक भेटवस्तू देऊन त्याच्या टीमच्या प्रयत्नांचे कौतुक करण्यासाठी ओळखला जातो. यावेळीही ऋतिकने आपली परंपरा अबाधित ठेवत ‘विक्रम वेधा’च्या संपूर्ण ऍक्शन टीमला शूज भेट देऊन आश्चर्यचकित केले आहे.

ऋतिकने या चित्रपटाचा ऍक्शन सीक्वेन्स अबुधाबी, संयुक्त अरब अमिराती येथे पूर्ण केला, जो चांगला झाला. त्यानंतर ऋतिकने टीममधील लोकांना प्रोत्साहन देण्यासाठी गिफ्ट देण्याचा निर्णय घेतला. माध्यमांतील वृत्तांनुसार, ऋतिकने ‘विक्रम वेधा’च्या ऍक्शन टीममधील प्रत्येक सदस्याला शूजची जोडी भेट दिली आहे.

हे काही पहिल्यांदाच घडलेले नाही. आपल्या टीममध्ये काम करणाऱ्या लोकांना आनंदी ठेवण्यासाठी ऋतिक नेहमीच भेटवस्तू देतो. ‘वॉर’ आणि ‘सुपर ३०’ चित्रपटाच्या शूटिंगदरम्यान त्याने आपल्या टीमला खास भेटवस्तूही दिल्या होत्या. ऋतिकची ही स्टाईल त्याच्या टीममधील लोकांना खूप आवडते. हे गिफ्ट देऊन ऋतिकने खऱ्या अर्थाने लोकांमध्ये आनंद वाटला आहे.

दसऱ्याच्या दिवशी ‘विक्रम वेधा’चे शूटिंग सुरू झाले. ऋतिकने आपल्या इंस्टाग्राम पोस्टद्वारे खुलासा केला होता आणि एक व्हिडिओ देखील शेअर केला होता. नवीन प्रोजेक्टमध्ये सहभागी होऊन यशासाठी प्रार्थना करण्याचे आवाहनही त्याने केले.

‘विक्रम वेधा’ हा एक तेलुगू चित्रपट होता, ज्यामध्ये आर. माधवन आणि विजय सेतुपती मुख्य भूमिकेत होते. हा चित्रपट २०१७ मध्ये प्रदर्शित झाला आणि ब्लॉकबस्टर ठरला होता. त्याचवेळी आता त्याचा हिंदी रिमेक बनवला जात आहे. या चित्रपटाच्या हिंदी रिमेकमध्ये ऋतिक रोशन आणि सैफ अली खान धमाका करणार आहेत. त्याचवेळी मूळ चित्रपटाचे दिग्दर्शक पुष्कर आणि गायत्री ‘विक्रम वेधा’च्या हिंदी रिमेकचे दिग्दर्शन करत आहेत. या चित्रपटाद्वारे ते दिग्दर्शक म्हणून बॉलिवूडमध्ये पदार्पण करणार आहे.

दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…

हेही नक्की वाचा-

-‘तुला उर्फीचा आजार चढलाय काय?’ विचित्र ड्रेसमुळे काजोल आली ट्रोलर्सच्या निशाण्यावर

-मोठा भाऊ घरी येण्याच्या बातमीने अबराम खान झाला भलताच खुश, व्हिडिओ होतोय जोरदार व्हायरल

-‘अशी’ होती जामीन मंजूर झाल्यानंतर आर्यनची पहिली प्रतिक्रिया, वाचा कर्मचाऱ्यांसह कैद्यांना काय म्हणाला?

हे देखील वाचा