गोविंदा हा बॉलीवूडमधील लोकप्रिय अभिनेता आहे . त्याने त्याच्या उत्कृष्ट अभिनयाने प्रेक्षकांच्या मनात घर केले. तर १९८६ मध्ये आलेल्या “इल्झाम” हा गोविंदाचा नीलम कोठारीसोबतचा पहिला चित्रपट होता. तर या जोडीने अतिशय उत्तम चित्रपट दिले. आणि या दरम्यान गोविंदा या नीलम कोठारीच्या प्रेमात पडला होता? कारण त्याची सध्याची बायको सुनिता आहुजा तिला तिचे अनुकरण करायला तो सांगत. तर अलीकडेच गोविंदाने त्याचे जुने किस्से सांगितले आहेत.
एका संभाषणात, गोविंदाने नीलम कोठारीसोबतच्या त्याच्या कथित प्रेमसंबंधाबद्दल सांगितले. अभिनेता म्हणाला, “पाहा, आपण सर्व तरुण जे गावठी प्रकारचे आहोत, त्यांना गोरी त्वचेच्या महिला खूप आकर्षक वाटतात. हे वेगळे आकर्षण असते. ती वेगळी होती आणि खूप छान मुलगी होती.” “ती बाहुलीसारखी दिसायची.” गोविंदाने नीलमच्या बाहुलीसारख्या आकर्षणाने पूर्णपणे मोहित झाल्याचे सांगितले.
अभिनेत्याने स्पष्ट केले की तो तिचे चित्रपट पाहायचा, पण तिच्यासोबत स्क्रीन शेअर करण्याची संधी मिळेल असे मला कधीच वाटले नव्हते. जुना प्रेमसंबंध फक्त शोसाठी होता. आम्ही इतके चांगले काम करू शकलो. प्रत्येक चित्रपट पहा, गाणी सुपरहिट झाली, चित्रपट हिट झाले.” गोविंदा आणि नीलम कोठारी यांनी 1980 आणि 1990 च्या दशकाच्या सुरुवातीला अनेक चित्रपटांमध्ये एकत्र काम केले. त्यांच्या काही लोकप्रिय चित्रपटांमध्ये लव्ह 86, इल्झाम, खुदगर्ज, सिंदूर, फर्ज की जंग आणि घराना यांचा समावेश आहे.
गोविंदा (govinda)अलीकडेच त्याच्या वैयक्तिक आयुष्यामुळे चर्चेत आला आहे. अलिकडेच तो त्याच्या पत्नीपासून घटस्फोटाच्या अफवांमुळे चर्चेत होता. मात्र, नंतर या अफवा अफवा ठरल्या. 90 च्या दशकातील सुपरस्टार गोविंदा गेल्या सात वर्षांपासून मोठ्या पडद्यावर दिसला नाही. त्याचे चाहते त्याला मोठ्या पडद्यावर पाहण्यास उत्सुक आहेत आणि तो एका चांगल्या पटकथेची वाट पाहत आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
धुरंदर 2च्या ट्रेलरची रिलीज डेट झाली जाहीर, आता धमाक्यासाठी रणवीर सिंग सज्ज
