अभिनेता शक्ती कपूर आज ३ सप्टेंबर रोजी आपला वाढदिवस साजरा करत आहेत. या खास प्रसंगी त्यांची मुलगी आणि अभिनेत्री श्रद्धा कपूरने खास पद्धतीने वडिलांना वाढदिवसाच्या शुभेच्छा दिल्या आहेत. श्रद्धा कपूर सध्या यशाच्या शिखरावर आहे. तीचा ‘स्त्री 2’ हा चित्रपट बॉक्स ऑफिसवर धुमाकूळ घालत आहे. तिच्या वडिलांना वाढदिवसाच्या शुभेच्छा देण्यासोबतच श्रद्धा कपूरने असेही सांगितले आहे की, वडिलांमुळेच ती या पदावर पोहोचली आहे.
श्रद्धा कपूरने वडील शक्ती कपूरसोबतचा एक अतिशय सुंदर फोटो शेअर केला आहे. सोबत लिहिले आहे, ‘आज माझ्या आवडत्या माणसाचा वाढदिवस! वाढदिवसाच्या हार्दिक शुभेच्छा बापू. श्रद्धाने पुढे लिहिले की, ‘ती स्त्री आहे, ती काहीही करू शकते, कारण तिच्या वडिलांचा हात नेहमीच तिच्या डोक्यावर असतो. लव्ह यू बापू’.
श्रद्धा कपूरच्या या पोस्टवर मजेशीर प्रतिक्रिया येत आहेत. सर्व चाहत्यांसोबत प्रसिद्ध सेलिब्रिटीही कमेंट करत आहेत. ‘तुम्ही दोघेही फ्रेश दिसत आहात’, अशी प्रतिक्रिया अभिनेता वरुण धवनने दिली आहे. बिग बॉसमध्ये पोहोचलेल्या यूट्यूबर शिवानी कुमारीनेही तिला वाढदिवसाच्या शुभेच्छा दिल्या. त्याचबरोबर युजर्स लिहित आहेत की ‘स्त्रीच्या वडिलांना वाढदिवसाच्या शुभेच्छा’. एका यूजरने लिहिले की, ‘प्रत्येक यशस्वी महिलेच्या डोक्यावर वडिलांचा हात आणि आशीर्वाद असतो. याशिवाय काही युजर्स बाप -लेकीच्या जोडीचे कौतुक करत आहेत.
श्रद्धा कपूरच्या ‘स्त्री 2’ या चित्रपटाविषयी बोलायचे झाले तर या चित्रपटाने अनेक विक्रम केले आहेत. स्वातंत्र्य दिनानिमित्त प्रदर्शित झालेला हा चित्रपट ५०० कोटींच्या क्लबमध्ये सामील झाला आहे. निर्मात्यांनी सोमवारी पोस्टमध्ये ही माहिती शेअर केली. Maddock Films च्या मते, स्त्री 2 ने १८ दिवसात ५०२ कोटी रुपयांचे कलेक्शन केले आहे. हा चित्रपट अद्याप ५०० कोटींच्या क्लबमध्ये सामील झाला नसला तरी चित्रपटाचा व्यवसाय चांगला सुरू आहे.
Stree 2 ने आत्तापर्यंत इंडिया बॉक्स ऑफिसवर ४८६.८ कोटी रुपयांचा व्यवसाय केला आहे. या चित्रपटाचे दिग्दर्शन अमर कौशिक यांनी केले आहे. श्रद्धाशिवाय राजकुमार राव, पंकज त्रिपाठी, अपारशक्ती खुराना आणि अभिषेक बॅनर्जी यांच्याही महत्त्वाच्या भूमिका आहेत.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा –
मला आयुष्यात जासूस बनायचे होते; नवीन चित्रपटाविषयी बोलली करीना…
