‘रामायण’ हा चित्रपट बऱ्याच काळापासून लोकांमध्ये चर्चेचा विषय आहे. नितेश तिवारी (Nitesh Tiwari) दिग्दर्शित या चित्रपटात साई पल्लवी रणबीर कपूरसोबत दिसणार आहे. आणि यश देखील चित्रपटात आहे. अलीकडेच या चित्रपटाबाबत नवीन माहिती समोर आली आहे.
मीडिया रिपोर्ट्सनुसार, अभिनेता यश या वर्षी मार्चपासून या चित्रपटाचे शूटिंग सुरू करणार आहे. ‘रामायण’ हा चित्रपट दोन भागात बनवला जात आहे. गेल्या वर्षी २०२४ मध्ये, निर्माते नमित मल्होत्रा यांनी या चित्रपटाबद्दल अधिकृतपणे घोषणा केली होती की हे दोन्ही चित्रपट २०२६ च्या दिवाळी आणि २०२७ च्या दिवाळीला थिएटरमध्ये प्रदर्शित होतील.
या चित्रपटात रणबीर कपूर भगवान रामाच्या भूमिकेत दिसणार आहे. तर, साई पल्लवी माता सीतेच्या भूमिकेत दिसणार आहे आणि यश रावणाच्या भूमिकेत दिसणार आहे. हा चित्रपट मोठ्या बजेटमध्ये बनवला जात आहे. या चित्रपटाकडून चाहत्यांना खूप अपेक्षा आहेत.
कामाच्या बाबतीत बोलायचे झाले तर, रणबीर कपूर सध्या संजय लीला भन्साळी यांच्या ‘लव्ह अँड वॉर’ या चित्रपटात व्यस्त आहे. या चित्रपटात त्याच्यासोबत आलिया भट्ट आणि विकी कौशल देखील आहेत. त्याच वेळी, अभिनेता यश ‘केजीएफ चॅप्टर २’ नंतर ‘टॉक्सिक’ नावाच्या चित्रपटात दिसणार आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
साडीमध्ये नयनताराचा सुंदर लुक; सोशल मीडियावर फोटो व्हायरल
राजकुमार राव सोबत शूटिंग दरम्यान अर्चना पूरन सिंगचा भयानक अपघात; मनगट तुटून जबर दुखापत …
