बॉलीवूडपासून साऊथ इंडस्ट्रीपर्यंत सध्या मोठ्या बजेटच्या चित्रपटांचा ट्रेंड वाढलेला दिसतो. 100 ते 200 कोटींच्या बजेटमध्ये चित्रपट बनवणं आता सामान्य झालं आहे. मात्र, याच काळात एक लो बजेट चित्रपट असा आहे, ज्याने बॉक्स ऑफिसवर 150 कोटींहून अधिक कमाई करत सर्वांनाच धक्का दिला आहे. आम्ही बोलत आहोत निविन पॉली स्टारर मल्याळम फँटसी ड्रामा ‘सर्वम माया’ बद्दल.
25 डिसेंबर 2025 रोजी प्रदर्शित झालेल्या या चित्रपटाला प्रेक्षकांचा प्रचंड प्रतिसाद मिळाला. कॉमेडी, भावना, रोमॅन्स आणि फँटसी यांचा जबरदस्त मिलाफ ‘सर्वम माया’मध्ये पाहायला मिळतो. ओटीटीवर रिलीज होऊनही हा चित्रपट अजूनही सिनेमागृहांत प्रेक्षकांना खेचून घेत आहे.
साऊथ सुपरस्टार निविन पॉली (Nivin Pauly)गेल्या पाच वर्षांपासून एका मोठ्या हिटच्या प्रतीक्षेत होते. ‘सर्वम माया’मुळे त्यांची ही प्रतीक्षा अखेर संपली. अवघ्या 30 कोटींच्या बजेटमध्ये तयार झालेल्या या चित्रपटाने रिलीज होताच प्रेक्षकांची मने जिंकली. मोठ्या पडद्यावर मिळालेल्या यशानंतर हा चित्रपट आता जिओ हॉटस्टार या ओटीटी प्लॅटफॉर्मवरही उपलब्ध आहे.
ट्रेड अॅनालिस्ट एबी जॉर्ज यांच्या माहितीनुसार, ‘सर्वम माया’ने अवघ्या 36 दिवसांत जगभरात 150 कोटींचा टप्पा ओलांडला आहे. आयएमडीबीवरही चित्रपटाची कमाई 150 कोटी रुपये असल्याचं नमूद करण्यात आलं आहे. या यशासह ‘सर्वम माया’ जगभरातील सर्वाधिक कमाई करणाऱ्या चित्रपटांच्या यादीत आठव्या क्रमांकावर पोहोचली असून, निविन पॉलीच्या करिअरमधील सर्वाधिक फुटफॉल्स मिळवणारा चित्रपट ठरला आहे.
‘सर्वम माया’ची कथा प्रभेंदू नम्बूदिरी या व्यक्तीभोवती फिरते. प्रभेंदू हा पारंपरिक ब्राह्मण कुटुंबातील असून एक संगीत दिग्दर्शक आहे. परदेशात जाण्याचं स्वप्न अपूर्ण राहिल्यानंतर तो आपल्या गावात परततो आणि धार्मिक कार्यात आपल्या कझिनला मदत करू लागतो. याच दरम्यान त्याची भेट डेलुलु नावाच्या एका गूढ आत्म्याशी होते, जिला आपल्या भूतकाळाबद्दल काहीच आठवत नाही. प्रभेंदू तिची मदत करतो आणि हळूहळू दोघांमध्ये एक भावनिक नातं तयार होतं, ज्यामुळे कथेला वेगळं वळण मिळतं. जर तुम्हाला वेगळ्या धाटणीचा, भावनांनी भरलेला फँटसी चित्रपट पाहायचा असेल, तर ‘सर्वम माया’ जिओ हॉटस्टारवर नक्की पाहा.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
