सुप्रसिद्ध दिगदर्शक अॅटली आणि अभिनेता अल्लू अर्जुन (Allu Arjun) एका चित्रपटावर काम करत आहेत. त्यांच्या या सिनेमाचे नाव अजूनही जाहीर झाले नाही. परंतु या सिनेमाबाबत आतापासूनच अनेक चर्चा सुरु झाल्या आहेत. अल्लू अर्जुन आणि अॅटली यांचे एकत्र काम पाहण्यासाठी सगळेच चाहते खूप उत्सुक आहेत. त्यांचा हा प्रोजेक्ट भविष्यातील एक मोठा प्रोजेक्ट असणार असल्याची शक्यता देखील अनेक लोक वर्तवत आहेत.
हाती आलेल्या माहितीनुसार, या सिनेमात रश्मिका मंदान्ना मुख्य भूमिकेत दिसणार आहे. रश्मिका मंदान्ना नकारात्मक तसेच आव्हानात्मक भूमिकेत दिसणार असल्याची माहिती समोर आली आहे. या चित्रपटातील रश्मिकाची भूमिका ती पडद्यावर साकारत असलेल्या इतर भूमिकांपेक्षा खूपच वेगळी आहे. असेही म्हटले जात आहे की अल्लू अर्जुनने तिला वैयक्तिकरित्या या भूमिकेसाठी सुचवले होते. चाहत्यांना वाटते की ही भूमिका रश्मिकाची एक पूर्णपणे नवीन बाजू समोर आणेल.
खास बाब म्हणजे या चित्रपटात दीपिका पदुकोण मुख्य भूमिकेत आहे. दोन सशक्त अभिनेत्रींच्या महत्त्वाच्या भूमिकांमुळे चित्रपटाबद्दल अपेक्षा वाढल्या आहेत. चित्रपटात त्यांच्या भूमिका कशा असतील हे पाहण्यासाठी अनेक चाहते उत्सुक आहेत. रश्मिकाने या आठवड्यात तिच्या भागांचे चित्रीकरण सुरू केल्याचे वृत्त आहे. ती फेब्रुवारीमध्ये काम करत राहील. महिन्याच्या शेवटी ती तिच्या लग्नासाठी एक छोटासा ब्रेक घेऊ शकते. चित्रपटाचे काम सुरळीत सुरू आहे. सुमारे २५ ते ३० टक्के चित्रीकरण आधीच पूर्ण झाले आहे.
दैनिक बोंबाबोंबचा व्हॉट्सॲप ग्रुप जॉईन करण्यासाठी या लिंकवर क्लिक करा
हेही वाचा
