समय रैना हा एक प्रसिद्ध विनोदी कलाकार आहे. त्याने आतापर्यत अनेक स्टॅडअपर कॉमेडी शो केले आहेत आणि आता सध्या तो त्याचा एक लोकप्रिय शो ‘इंडियाज गॉट लेटेंट’च्या दुसऱ्या सीझनसह परत आला आहे. या शोच्या पहिल्या भागात आलिया भट्ट आणि शर्वरी यांसारख्या प्रसिद्ध सेलिब्रिटी पाहुण्या म्हणून आल्या होत्या. हा शो लोकप्रिय असाला तरी त्याच्या जुन्या वक्तव्यमुळे तो चर्चेत आहे. काही दिवसांपुर्वीच प्रणित मोरेच्या एका भागातील एका प्रेक्षकांमुळे प्रणितही वादात सापडला होता. तर हे प्रकरण आता थोडे शांत झाले असताच, समय रैनाच्या शो दरम्यानचा 2024 मधील एक जुनी व्हिडिओ क्लिप सोशल मीडियावर पुन्हा व्हायरल होत आहे, ज्यामुळे संमती आणि विनोदाच्या मर्यादांबद्दल पुन्हा एकदा चर्चा सुरू झाली आहे.
व्हायरल झालेल्या क्लिपमध्ये, समय (samay)रैनाच्या शोदरम्यान प्रेक्षकांमध्ये बसलेली एक मुलगी अचानक उठून निघून जाते. आश्चर्यचकित होऊन समय जेव्हा कारण विचारतो, तेव्हा तिच्यासोबत असलेला तिचा प्रियकर हसतो आणि सांगतो की, त्याच्या प्रेयसीच्या वडिलांना सौम्य हृदयविकाराचा झटका आल्यामुळे त्यांना जावे लागले. समय त्या मुलाच्या शांतपणावर प्रश्नचिन्ह उपस्थित करतो आणि विचारतो की, तो इतका शांत कसा राहू शकतो आणि त्या मुलीसोबत का गेला नाही. त्यानंतर लगेचच, समय स्टेजवरून एक टिप्पणी करतो, “तू आत्ता जाऊन रडायला नको होतंस? तु आता खांदा देशील तरच ती तुला डोकं देईल.” समयच्या या टिप्पणीवर उपस्थित असलेले सर्वजण खळखळून हसतात, पण आता हे विधान आता खुपत आहे.
समयच्या या वक्तव्यावरुन आता अनेक सोशल मिडीयावर प्रतिक्रिया येत आहेत. आणि त्याच्या या वक्तव्याला आता चांगलेच ट्रोल केले जात आहे. लोकांचे हे मत आहे कि गंभीर प्रंसगीही अशी भाषा किंवा मुली बाबत असे टिप्पणी करणे चुकीचे आहे. तर कॉमेडियन प्रणीत मोरे यांनीही माफी मागितली आणि या भावनेपासून स्वतःला दूर ठेवले. आता, समय रैनाचा व्हिडिओ पुन्हा समोर आला असून, त्यावर अशाच प्रकारच्या मानसिकतेला प्रोत्साहन दिल्याचा आरोप केला जात आहे
श्रद्धा कपूरला ‘वेलकम टू द जंगल’ पाहताना आवरले नाही हसु, राहुल मोदीसोबत धमाल करताना दिसली अभिनेत्री
