साऊथ अभिनेता अजित कुमार (Ajit Kumar) यांच्या चाहत्यांसाठी एक आनंदाची बातमी समोर आली आहे. त्यांच्या रेसिंग प्रवासावर एक सिनेमा होणार आहे. या सिनेमाचे नाव आणि पहिले पोस्टर देखील रिलीज झाले आहे. अजित कुमारच्या रेसिंग प्रवासावर बनत असलेल्या डॉक्युमेंटरीचे नाव ‘ग्लॅडिएटर्स – इन पर्सूट ऑफ चॅलेंज’ असे आहे. निर्मात्यांनी या डॉक्युमेंटरीचे पहिले पोस्टर सोशल मीडियावर प्रदर्शित केले आहे. ‘दैवतिरुमगल’ आणि ‘मद्रासपट्टिनम’ यांसारख्या चित्रपटांसाठी ओळखले जाणारे विजय यांनी या डॉक्युमेंटरीचे दिग्दर्शन केले आहे.
‘ग्लॅडिएटर्स – इन पर्सूट ऑफ चॅलेंज’ या डॉक्युमेंटरीची निर्मिती अजितची पत्नी शालिनीने गोल्डन ट्रॉफी फिल्म प्रॉडक्शन्सच्या बॅनरखाली केली आहे. पहिल्या पोस्टरमध्ये अजित कुमार त्याच्या रेसिंग गियरमध्ये दिसत आहे. या पोस्टरवरून असे दिसून येते की, या डॉक्युमेंटरीमध्ये अभिनेत्याची आव्हाने आणि घटना दाखवल्या जातील, जसे की नारायण कार्तिकेयनसारख्या ड्रायव्हर्ससोबत एंड्युरन्स स्पर्धा जिंकणे.
अजित कुमार त्याच्या ‘डेअरडेव्हिल’ या दाक्षिणात्य चित्रपटाद्वारे मोठ्या पडद्यावर पुनरागमन करण्यास सज्ज आहे. या चित्रपटाचे दिग्दर्शन रविचंद्रन यांनी केले आहे. हा चित्रपट दिग्दर्शक रविचंद्रन यांच्यासोबत अजित कुमारचे सलग दुसरे सहकार्य आहे. यापूर्वी त्यांनी ‘गुड बॅड अग्ली’ या चित्रपटात एकत्र काम केले होते. अजित कुमारची पत्नी ‘डेअरडेव्हिल’ या नवीन चित्रपटाची निर्मिती करणार आहे. चित्रपटाचे संगीत अनिरुद्ध रविचंद्रन यांनी दिले आहे.
हेही वाचा
हर्षद चोप्राने शिवांगीसाठी सोडले ‘लॉकअप २’ मधील फायनलिस्ट जागा; जाणून घ्या कारण
