बॉलिवूडमधील किंग खानचा मुलगा आर्यन खानला शनिवारी (०२ ऑक्टोबर) एनसीबीने क्रूझ रेव्ह पार्टीतून ताब्यात घेतले होते. त्यानंतर त्याला अटक करण्यात आली. आता त्याला न्यायालयीन कोठडी सुनावण्यात आली आहे. अं’मली पदार्थप्रकरणी आर्यनचे नाव समोर आल्यानंतर अनेक जुने किस्से समोर येऊ लागले आहेत.
या सर्वांमध्ये शाहरुख खान आणि गौरी खान यांचा एका शोमधील व्हिडिओ देखील खूप व्हायरल झाले आहे. या व्हिडिओमध्ये केलेल्या वक्तव्याने शाहरुखला देखील ट्रोलिंगचा सामना करावा लागला. अशात आता काजोलचा देखील एक व्हिडिओ सोशल मीडियावर चांगलाच व्हायरल होतोय.
काजोलचा व्हायरल होत असलेला व्हिडिओ देखील जुनाच आहे. तिने यामध्ये एका प्रश्नावर विचार न करता उत्तर दिल्याचे दिसत आहे. अभिनेत्री राणी मुखर्जी आणि शाहरुखबरोबर करण जोहरच्या ‘कॉफी विथ करण’ या शोमध्ये गेली होती. त्यावेळी तिला तिच्या होणाऱ्या जावयाब्बदल विचारण्यात आले होते. करणने तिला न्यासा आणि आर्यन पळून गेले तर, तू काय करशील असे विचारले होते. यावर तिने सर्वांना चकित करणारे एक उत्तर दिले.
उत्तर देताना ती म्हणाली होती की, “दिलवाले दुल्हे ले जाएंगे.” तिच्या या उत्तराने किंग खान थोडा विचारातच पडला होता. त्यानंतर शाहरुख म्हणाला की, “मला विनोद समजलाच नाही. मला तर या गोष्टीची भीती आहे की, काजोल माझी नातेवाईक झाल्यावर काय होईल. मला विचारही करवत नाही.” त्याच्या अशा बोलण्याने सेटवर राणी, करण आणि काजोल जोरजोरात हसू लागले होते.
शाहरुखने देखील एका शोमध्ये त्याच्या मुलाकडून असलेल्या अपेक्षा एकदा व्यक्त केल्या होत्या. परंतु तेव्हा हशा झालेल्या त्याच्या वक्तव्याने आता तो चिंतेत पडला आहे.
काजोल आणि शाहरुखने अनेक चित्रपट एकत्र गाजवले आहेत. त्याकाळी शाहरुख विवाहित होता, तरी देखील त्याचे नाव काजोलबरोबर जोडले जात होते. त्यावेळी त्याने स्वतःची प्रतिक्रिया देखील दिली होती. तो म्हणाला होता की, “काजोल अजून लहान मुलीसारखीच आहे. तसेच ती तनुजा काकीची मुलगी आहे. त्यामुळे माझ्यासाठी ती बहिणीसारखी आहे. आमच्यात असे काहीच नाही. गौरीला देखील ती खूप आवडते.”
या दोघांनी आतापर्यंत ‘कुछ कुछ होता है’, ‘कभी खुशी कभी गम’, ‘माय नेम इज खान’ अशा अनेक हिट चित्रपटांमध्ये काम केले आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-मोठी घडामोड! एकीकडे जामीन अर्जावर सुनावणी सुरु असतानाच आर्यन खानची आर्थर रोड कारागृहात रवानगी
-काय सांगता? ज्याने आर्यन खानला ‘धरलं’ तोच निघाला फरार आरोपी, क्रूझ प्रकरणात नवा ट्विस्ट
-‘यामुळे’ देवोलीना भट्टाचार्जीवर भडकले सिद्धार्थ शुक्लाचे चाहते, स्पष्टीकरण देत अभिनेत्री म्हणाली…
