‘हंटर’ चित्रपटात झळकलेली मराठमोळी अभिनेत्री सई ताम्हणकर सोशल मीडियावर खूप सक्रिय असते. ती बर्‍याचदा तिच्या इंस्टाग्राम हँडलवर स्वतःचे फोटो पोस्ट करून चाहत्यांचे लक्ष वेधत असते. तिला मराठी सिनेसृष्टीत ‘बोल्ड ऍंड बिनधास्त’ अभिनेत्री म्हणूनही ओळखले जाते. अभिनयाच्या बाबतीत तर तिची बातच काही और आहे! नुकताच तिचा एक फोटो सोशल मीडियावर मोठ्या प्रमाणात व्हायरल होत आहे.
देशावर कोरोना महामारीचं संकट असल्यामुळे गेल्या बऱ्याच महिन्यांपासून सर्वकाही ठप्प होतं. सर्वांसोबतच चित्रपटगृह देखील बंद होते. आता परिस्थिती चांगली होत असताना, शासनाने चित्रपटगृह प्रेक्षकांसाठी उघडण्याचा निर्णय घेतला आहे. यामुळे पूर्ण मनोरंजन विश्वात आनंदाची लाट आली आहे. सई ताम्हणकरचा आनंदही गगनात मावेनासा झालाय. हे आपण तिच्या या लेटेस्ट पोस्ट पाहू शकतो.
हा फोटो सईने तिच्या इंस्टाग्राम अकाऊंटवरून शेअर केला आहे. या फोटोमध्ये सईने पांढऱ्या रेषांचं शर्ट घातलं आहे. या फोटोमध्ये तिच्या चेहऱ्यावरचा आनंद तुम्ही सहज पाहू शकता. सईच्या चेहऱ्यावरचा आनंद पाहून असं वाटतंय, की जणू काय अभिनेत्रीने एखादा किल्लाच जिंकला असावा! हा फोटो शेअर करत तिने कॅप्शनमध्ये लिहिलंय की, “कारण थिएटर आता उघडले आहेत!!!” तिचा हा फोटो चाहत्यांनाही पसंत पडला आहे.
सईच्या कामाबद्दल बोलायचे झाले, तर अलीकडेच ती स्वप्नील जोशी आणि तेजस्विनी पंडित अभिनित ‘समांतर २’ मध्ये झळकली. शिवाय ती लवकरच ‘कलरफुल’ या चित्रपटात दिसणार आहे. या चित्रपटात तिच्यासोबत ललित प्रभाकर मुख्य भूमिकेत दिसणार आहे.
दैनिक बोंबाबोंबचे टेलिग्राम चॅनेल जॉइन करण्यासाठी येथे क्लिक करा…
हेही नक्की वाचा-
-खूपच सुंदर! परी बनून अक्षया देवधरने चाहत्यांना केलं क्लीन बोल्ड, एक नजर टाकाच
-आजही कायम आहे किशोरी शहाणेंचं सदाबहार सौंदर्य, व्हिडिओ पाहून तुम्हीही म्हणाल, ‘खरंच की!’
-स्टाईल आयकॉन बनत आहे सचिन पिळगावकरची लाडकी लेक; श्रियाच्या स्टाईलनेे वेधलं नेटकऱ्यांचं लक्ष
