विश्वसुंदरी आणि बॉलिवूड अभिनेत्री सुष्मिता सेन ही सध्या चांगलीच चर्चेत आहे. तिने ललित मोदी यांच्यासोबतचे नाते अचानक समोर आल्याने प्रत्येकजण हैराण आहे. चाहत्यांपासून ते कलाकारांपर्यंत सर्वांनी सुष्मिताच्या नात्यावर आपली प्रतिक्रिया दिली आहे. मात्र, आता ललित मोदी आणि सुष्मिताच्या कुटुंबीयांनीही या प्रकरणावर मौन सोडले आहे. ललित मोदी यांचा मुलगा रुचीर मोदी याने म्हटले आहे की, त्यांना आधीपासून या नात्याबद्दल माहिती होते. आा सुष्मिताचे वडील निवृत्त हवाई दल अधिकारी शुबीर सेन यांनी तिच्या नात्याविषयी धक्कादायक विधान केले.
गुरुवारी (दि. १४ जुलै) ललित मोदी (Lalit Modi) यांनी सुष्मिता सेन (Sushmita Sen) यांच्यासोबत अनेक रोमँटिक फोटो शेअर केले होते. यासोबतच त्यांनी ते दोघेही रिलेशनशिपमध्ये असल्याचे जाहीर केले होते. त्यांनी ट्वीट केल्यानंतर सुष्मिता आणि त्यांच्या लग्नाच्या चर्चांना उधाण आले. त्यानंतर दुसऱ्या एका ट्वीटमध्ये स्पष्ट करत रम्हटले की, ते एकमेकांना फक्त डेट करत आहेत. यावेळी त्यांनी लग्नाला नकार दिला नाही. त्यांनी असेही लिहिले की, हेदेखील एकेदिवशी नक्की होईल. सुष्मितानेही नंतर एक पोस्ट शेअर करत दोघांनी लग्न केले नसल्याचे स्पष्ट केले.
Just back in london after a whirling global tour #maldives # sardinia with the families – not to mention my #better looking partner @sushmitasen47 – a new beginning a new life finally. Over the moon. ????????????????????????????????????????. In love does not mean marriage YET. BUT ONE THAT For sure pic.twitter.com/WL8Hab3P6V
— Lalit Kumar Modi (@LalitKModi) July 14, 2022
Just for clarity. Not married – just dating each other. That too it will happen one day. ???????????????????????????????? pic.twitter.com/Rx6ze6lrhE
— Lalit Kumar Modi (@LalitKModi) July 14, 2022
माध्यमांशी बोलताना शुबीर म्हणाले की, “मला याबाबत काहीही माहिती नव्हते. मी गुरुवारी सकाळी आपल्या मुलीशी चर्चा केली होती. मात्र, तिने काहीही सांगितले नाही. मी पहिल्यांदा ट्वीट पाहिले, जेव्हा तुम्ही मला मेन्शन केले होते. मला माहिती नव्हते की, त्याबाबत काय बोलले पाहिजे, ज्याबाबत मला बिल्कुलच माहिती नाही.”
ते पुढे म्हणाले की, नंतर त्यांना सुष्मिता आणि ललित मोदींच्या नात्याबाबत जाणून घ्यायला आवडेल. आता त्यांना याबाबत काहीच माहिती नाही. त्यांनी म्हटले की, “आम्ही सामान्यत: मुलांबाबत आणि तब्येतीबाबत चर्चा करतो. ती व्यवस्थित जेवत आहे की नाही. आम्ही नेहमीप्रमाणे चर्चा केली. मी त्यांच्याबद्दल (ललित मोदी) काहीच ऐकले नाहीये. जर त्यांच्याबद्दल काही समजले, तर मी तुम्हाला नक्की सांगेल. लपवण्यासारखं काहीच नाहीये.”
शुबीर सेन आपल्या मुलीच्या नात्याविषयी काहीच माहिती नसल्याचे सांगत आहेत. यावर चाहत्यांना विश्वास बसणे जरा कठीणच आहे. सुष्मिताच्या नात्याविषयीची माहिती त्यांना ट्विटरवरून मिळाली. एकीकडे संपूर्ण जगाला सुष्मिता आणि ललित यांच्या नात्याविषयी समजले होते, पण तिच्या वडिलांना याबाबत काहीच माहिती नाही.
दैनिक बोंबाबोंबचा व्हॉट्सऍप ग्रूप जॉईन करण्यासाठी येथे क्लिक करा
दैनिक बोंबाबोंबचा टेलिग्राम ग्रूप जॉईन करण्यासाठी येथे क्लिक करा
हेही वाचा-
