कोरोना व्हायरसच्या काळात दिवसेंदिवस अनेकजण आपला जीव गमावताना दिसत आहेत. या व्हायरसने तर कलाकारांनाही सोडले नाही. अनेक कलाकारांनीही यादरम्यान जगाचा निरोप घेतला आहे. आता अशातच आणखी एक वाईट बातमी समोर येत आहे. दीर्घकाल कोरोना व्हायरसशी लढा दिल्यानंतर शेवटी अभिनेता राहुल वोहराचे निधन झाले आहे. याची पुष्टी थिएटर दिग्दर्शक आणि प्ले रायटर अरविंद गौहर यांनी एका फेसबुक पोस्टद्वारे केली आहे. राहुलने शनिवारी (८ मे) फेसबुकवर एक मेसेज करून लोकांना मदतीचे आवाहन केले होते.
अनफ्रीडममध्ये केले होते काम
कोरोना व्हायरसची चाचणी पॉझिटिव्ह आल्यानंतर राहुलची तब्येत बिघडली होती. उत्तराखंडमधील राहुल डिजिटल प्लॅटफॉर्मवरील एक प्रसिद्ध चेहरा होता. तो नेटफ्लिक्सवरील सीरिज ‘अनफ्रीडम’मध्ये दिसला होता. राहुलच्या कामाला चांगलीच पसंती मिळाली होती. विशेष म्हणजे मरण्यापूर्वी लिहिलेली राहुलची पोस्ट सध्या चर्चेचा विषय ठरत आहे. त्यामध्ये त्याने लिहिले होते की, त्यालाही चांगला उपचार मिळाला असता, तर तो वाचला असता.
https://www.facebook.com/irahulvohra/posts/318103159678798
‘मला वाचवले जाऊ शकले असते’
अभिनेत्याने फेसबुकवर एक पोस्ट लिहित म्हटले होते की, “मलाही चांगला उपचार मिळाला असता, तर मी वाचलो असतो. तुमचा राहुल वोहरा.” एक रुग्ण म्हणून त्यानेे आपली माहिती या पोस्टमध्ये लिहिली होती.
त्याने लिहिले होते की, “लवकरच जन्म घेईल आणि चांगले काम करेल. आता मी खूप तुटलो आहे.” अरविंद यांनी आपल्या पोस्टमध्ये राहुलच्या निधनाची बातमी दिली आणि शोकही व्यक्त केला.
https://www.facebook.com/permalink.php?story_fbid=10165437263115475&id=655620474
