Tuesday, May 28, 2024

त्या एका चित्रपटाने बदलले अमिताभ बच्चन यांचे नशीब, चित्रपट नाकारल्याचे या अभिनेत्यांना झाला पश्चाताप

मेगास्टार अमिताभ बच्चन (Amitabh Bachchan) यांचे चाहते आजही करोडोंमध्ये आहेत. लोक त्यांची एक झलक पाहण्यासाठी तळमळत असतात. मेगास्टारच्या अभिनयाने अनेक पिढ्यांवर प्रभाव टाकला आहे. बिग बींच्या अभिनयाची अमिट छाप लोकांच्या हृदयात शतकानुशतके जिवंत राहणार आहे. हिंदी, बंगाली, पंजाबी, भोजपुरी, कन्नड आणि इंग्रजीसह 200 हून अधिक चित्रपट करूनही या अभिनेत्यामध्ये तोच उत्साह आहे. पण तुम्हाला माहित आहे का की ‘जंजीर’ हा एक चित्रपट होता ज्यांनी बिग बींचे नशीब बदलले होते.

70 च्या दशकाच्या सुरुवातीला अमिताभ यांनी अनेक फ्लॉप चित्रपट दिले, ज्यात प्यार की कहानी, रेश्मा और शेरा, संजोग, बन्सी बिरजू, एक नजर, रास्ते का पत्थर यांसारखे चित्रपट आहेत. त्यावेळी अमिताभ यांचा बॉम्बे टू गोवा हा एकच चित्रपट यशस्वी झाला होता. त्या काळात अमिताभ बच्चन खूश नव्हते, जोपर्यंत एका चित्रपटाने त्यांचे नशीब पूर्णपणे बदलले होते. तो चित्रपट होता जंजीर, ज्याचे दिग्दर्शन प्रकाश मेहरा यांनी केले होते. 11 मे 1973 रोजी प्रदर्शित झालेल्या या चित्रपटाने अमिताभ यांच्या करिअरमधील दुष्काळ संपवला.

जंजीर हा चित्रपट केवळ भारतातच नाही तर सोव्हिएत युनियनमध्येही सुपरहिट ठरला होता. या चित्रपटाने जगभरात १७ कोटींची कमाई केली. वृत्तांवर विश्वास ठेवला तर या चित्रपटासाठी अमिताभ बच्चन यांची पहिली पसंती नव्हती. या चित्रपटात आधी धर्मेंद्र आणि मुमताज मुख्य भूमिका साकारणार होते. पण नंतर धर्मेंद्रने हा चित्रपट सोडला, त्यानंतर दिग्दर्शकाने इतर स्टार्सशी संपर्क साधला.जंजीरसाठी प्रकाश मेहरा देव आनंद, राज कुमार आणि दिलीप कुमार यांच्याकडे गेले, पण सर्वांनी नकार दिला. त्यानंतर सलीम-जावेद जोडीने या चित्रपटासाठी अमिताभ बच्चन यांचे नाव सुचवले.

या चित्रपटासाठी अमिताभ यांचे नाव फायनल झाल्यानंतर आता हिरोईनची पाळी होती. सुरुवातीला मुमताजला या चित्रपटात कास्ट करण्यात आले होते, पण तिने करिअरपेक्षा लग्नाचा पर्याय निवडून चित्रपट सोडला. आता प्रकाश मेहरा यांच्यावर नायिकेबाबत संकट उभे राहिले होते. त्यावेळी जया बच्चन प्रकाश मेहरा यांच्यासोबत दुसऱ्या प्रोजेक्टवर काम करत होत्या. जेव्हा दिग्दर्शकाने तिला कथा सांगितली तेव्हा तिने चित्रपट करण्यास होकार दिला.

जंजीरचे शूटिंग सुरू असताना अमिताभ बच्चन यांच्याबद्दल असे बोलले जात होते की ते फिल्म लाइनमध्ये अपयशी ठरले आहेत. त्यावेळी प्राण हे एक मोठे आणि दिग्गज कलाकार होते, जे अमिताभ बच्चन यांच्यापेक्षाही चित्रपटांसाठी जास्त पैसे घेत असत.

दैनिक बोंबाबोंबचा व्हाट्सअप ग्रुप जॉईन करण्यासाठी या लिंकवर क्लिक करा

हेही वाचा-

अमिताभ बच्चन यांचा लता दीनानाथ मंगेशकर पुरस्काराने सन्मान, सोशल मीडियावर व्हिडिओ व्हायरल
BIRTHDAY SPECIAL |शाहरुख- काजोललाही आपल्या इशाऱ्यावर नाचवणाऱ्या वरुण धवनचा असा आहे सिनेसृष्टीतील प्रवास, एकदा नजर टाका

हे देखील वाचा